AtuartigukDanskit inuussutissanut, nunalerinermut aalisarnermullu ministerimik ilisimatitseqatigiilluni ataatsimeeqateqarneq
Nassiussisuuvoq: Aalisarnermut Piniarnermullu NaalakkersuisoqarfikAalisarnermut Piniarnermullu Naalakkersuisup Karl Tobiassenip Danmarkimi inuussutissanut, nunalerinermut aalisarnermullu ministeri Jacob Jensen tallimanngornermi marsip 24-anni 2023-mi ataatsimeeqatigivaa, ilisimatitseqatigiinnertut ataatsimiillutik.
Karl Tobiasenip arlalinnik saqqummiussaqarpoq, soorlu inuussutissalerinerup akisussaaffigineqarnerata nunatsinnit oqartussaaffigilerneqarnissaa pillugu.
Politikikkut ukiorpanngortuni oqaluuserineqarpoq, kissaataalluni inuussutissalerinermut oqartussaaffik nunatsinnit oqartussaaffigineqalissasoq. Tamatumunnga suliaqartumik suleqatigeeqarpoq.
Aalisarnermut Piniarnermullu Naalakkersuisup Karl Tobiassen ilaatigut erseqqissaavoq suleqatigiit susassaqarfiup akisussaaffigineqalernissaanut suliaq pillugu saqqummiussaqassasut, naatsorsuutigineqarluni suliaat Naalakkersuisunut apriilip naalernerani 2023-mi saqqummiunneqarumaartoq.
Suleqatigiissitap suliaasa ilaatigut ilagaat inuussutissalerinermut oqartussaaffik akissussaaffigineqalerpat aningaasatigut ingerlatsinermullu qanoq kinguneqassanersoq, aamma akisussaaffigilernissaanut nuussiartuaarnermi periusissat qanoq ittuussagaluarnersut.
Karl Tobiassenip inuussutissanut ministeri Jacob Jensen aalisarneq pillugu inatsisissaq pillugu ilaatigut ilisimatippaa.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq, Jørgen Isak Olsen. jio@nanoq.gl