AtuartigukUkiunut sisamanut tulliuttunut Sulisunik siulersuisut isumaqatigiissutissaat
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Ulloq 17. marts 2023 isumaqatigiinninniarnermi angusat atsiorneqarput, ukiut tulliuttut sisamat Sulisunik siulersuisut (SSK) pillugit isumaqatigiissut nutaaq atuuttussanngorlugu.
Anguniarneqartutut pingaarnertut sammineqarsimapput, naartunermi, erninermi qitornavissiartaarnermilu tamakkiisumik akissarsiaqaannarluni sulinngiffeqarsinnaaneq, sulisoreriikkat misilittagartuut sulisoriinnarneqarnissaannut pitsanngorsaaneq, nutaanik sulisortaarnissamut akissarsiatigut suliffimmik orniginarsaaneq aammalu isumaqatigiissutip paasiuminarsarneqarnissaa piffissamullu naapertuuttunngorlugu Isumaqatigiissutinut isumalioqatigiissitap innersuussutaanut naapertuuttunngorlugu suliarineqarnissaa.
Akissarsiat ukiunut sisamanut pineqartunut tamakkiisumik 7,37 %-imik qaffanneqarput. Angusat Naalakkersuisumit akuerisassanngortinneqarput akuerineqareerpallu isumaqatigiissut piffissami 1. april 2023-miit 31. marts 2027-i ilanngullugu atuuffeqassalluni.
Annertunerusumik paassisaqarusunnermi saaffigineqarsinnaavoq Siunnersortaaneq Gitte Lynge, Aningaasaqarnermut Sulisoqarnermullu Aqutsisoqarfimmi oqarasuaat +299 34 64 55 mail glro@nanoq.gl