AtuartigukQeqertarsuup Tunuani, Uummannami Upernavimmilu umiatsiaararsorluni aalisartunut pisassiissutigineqartut allanngortinneqarput
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmut Qeqertarsuup Tunuani, Uummannami Upernavimmilu qaammatinut pingasukkaartunut pisassiissutit, januaarimit marsimut allanngortinneqarput.
Naalakkersuisup aqutsiveqarfimmut Qeqertarsuup Tunuani, Uummannami Upernavimmilu umiatsiaararsortunut qaammatinut pingasunut pisassiissutigineqartut marsip 17-ianni naleqqussaavigaai, qaleralittassiissutigineqartut nungulermata. Taamaalilluni marsip naanissaata tungaanut qaleralinniartoqarsinnaassaaq.
Kvartalimut siullermut pisassiissutigineqartut naleqqussarneqarput, ima:
- Qeqertarsuup Tunuani kvartalit pingajuannit 300 tonsinik nuussisoqarpoq.
- Uummannami kvartalit pingajuannit 400 tonsinik nuussisoqarpoq.
- Upernavimmi kvartalit pingajuannit 100 tonsinik nuussisoqarpoq.
Kvartalimut pisassiissutigineqartut pisarineqartartullu www.GFLK.gl -imi takuneqarsinnaapput.
Annerusumik paasisaqarusukkuit Aalisarnermut Piniarnermullu Naalakkersuisoqarfimmut saaffiginnissinnaavutit. apn@nanoq.gl