AtuartigukKNR-ip siulersuisuinut nutaanik ilaasortassanik toqqaaneq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
KNR-imi siulersuisut radio-tv-imut inatsit malillugu tallimanik ilaasoqarluni katiterneqartarpoq siulersuisuni siulittaasoq ilaasortarlu ataaseq Naalakkersuisunit toqqagaasarlutik. Ilaasortallu allat pingasut Ilisimatusarfiup, Kalaallit Nunaanni eqqumiitsuliortut kulturimillu ingerlatsisut nuna tamakkerlugu kattuffiup aamma KNRimi aalajangersimasumik atorfillit innersuutaannik Naalakkersuisut toqqaasarput.
Siulersuisut atuuffiat ukiuni sisamani sivisussuseqarpoq. Siulersuisut nutaat piffissani atuuffeqassapput 1. januar 2023-miit, 31. december 2026-mut.
Siulersuisuni siulittaasoq Mette Steenholdt
Ilaasortaq Juliane Henningsen Heilmann
Ilaasortaq Masaana Egede
Ilaasortaq Miki Jensen
Ilaasortaq Henriette Simonsen
Naalakkersuisut siulersuisut nutaat sulilluarnissaannik kissaappaat.
Annertunerusumik paasisaqarusukkussi attavigisiuk naalakkersuisup allattaa Rosa Thorsen, rose@nanoq.gl, mobiltlf.: 553303