AtuartigukTønnes Berthelsen ”Kaka”-mut eqqaaniut
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Alianaraluaqisumik 8. marts 2023 nalunaarfigineqarpunga Nuummi Tønnes Berthelsen “Kaka” 61-inik ukioqarluni toqukkut qimagussimasoq, taamaalillunilu nunarput inummik timersornerup silarsuaani nammineq kajumissuseq tunngavigalugu suliaqarsimasumik sunniuteqarluarnikuusimaqisumillu annaasaqarpoq.
Kaka Maniitsumi 4. oktober 1961-imi inunngorpoq 1994-imi Copenhagen Business School-imi cand.merc.-itut ilinniarsimavoq kingornalu 2000-imi University of Leeds Tuluit Nunaanni Master of Business Administration (MBA) ilinniarsimallugu.
Kaka 1998-imiilli siulersuisuni arlalinni atuuffeqartarsimavoq aamma KNR-imi siulersunut ilaasortaanikuulluni, Niuernermik Ilinniarfimmi Campus Kujallermilu kiisalu KNI A/S-imi siulersuisuni siulittaasuusimalluni. Kaka Naatsorsueqqissaartarfimmi siulersuisunut ilaasortatut 2017-imiilli aamma atuuffeqarsimavoq. Kaka inuunermini sulinermini pisortani sulisarsimavoq ilaatigut arlalinnik pisortaaffeqartarsimalluni. Kaka Royal Greenlandimi toqussi tikillugu ingerlatsinermut ittutut sulisimavoq.
Kaka inuttut maligassiuisuusimavoq timersortartorpassuarnit innuttaasunillu nuannarineqarluarsimalluni.
Kakap Kalaallit Nunaanni timersornerup ineriartortinnissaa uummateqarfigisimavaa aammalu annertuumik ineriartortinneqarneranut sunniuteqarsimalluni. Kaka timersornermi qaffasissumik inissisimasuusimavoq aamma piumassutsimik ikiuuttarnikkut, sungiusaasuugaluarpat, siulersuisuni ilaasortaagaluarpat imaluunniit unammisitsinernik ingerlatsisoqassatillugu peqataasarsimalluni. Kaka isikkamik arsaattartuni nunanut allanut unammisartunut peqataasimavoq kingornalu nunanut allanut unammisartunut sungiusaasuusimalluni.
Kaka ilaquttaminut, ikinngutiminut, ilisarisimasaminut suleqatigisartakkaminullu qanilaartutut ilisarisimaneqarpoq. Kaka nunatsinni suliassarpassuarnut kivitseqataasarsimavoq taamaalillunilu sulinermini tunniuttakkamini tatigineqarsimavoq nersorniarneqartarlunilu.
Kakap aapparisaanut meeraanut sisamanut kiisalu qanigisaanut misiginneqatiginninnera ingerlateqqippara.
Eqqaaneqarnera ataqqinartuuli.
Peter Olsen
Kaka Maniitsumi 4. oktober 1961-imi inunngorpoq 1994-imi Copenhagen Business School-imi cand.merc.-itut ilinniarsimavoq kingornalu 2000-imi University of Leeds Tuluit Nunaanni Master of Business Administration (MBA) ilinniarsimallugu.
Kaka 1998-imiilli siulersuisuni arlalinni atuuffeqartarsimavoq aamma KNR-imi siulersunut ilaasortaanikuulluni, Niuernermik Ilinniarfimmi Campus Kujallermilu kiisalu KNI A/S-imi siulersuisuni siulittaasuusimalluni. Kaka Naatsorsueqqissaartarfimmi siulersuisunut ilaasortatut 2017-imiilli aamma atuuffeqarsimavoq. Kaka inuunermini sulinermini pisortani sulisarsimavoq ilaatigut arlalinnik pisortaaffeqartarsimalluni. Kaka Royal Greenlandimi toqussi tikillugu ingerlatsinermut ittutut sulisimavoq.
Kaka inuttut maligassiuisuusimavoq timersortartorpassuarnit innuttaasunillu nuannarineqarluarsimalluni.
Kakap Kalaallit Nunaanni timersornerup ineriartortinnissaa uummateqarfigisimavaa aammalu annertuumik ineriartortinneqarneranut sunniuteqarsimalluni. Kaka timersornermi qaffasissumik inissisimasuusimavoq aamma piumassutsimik ikiuuttarnikkut, sungiusaasuugaluarpat, siulersuisuni ilaasortaagaluarpat imaluunniit unammisitsinernik ingerlatsisoqassatillugu peqataasarsimalluni. Kaka isikkamik arsaattartuni nunanut allanut unammisartunut peqataasimavoq kingornalu nunanut allanut unammisartunut sungiusaasuusimalluni.
Kaka ilaquttaminut, ikinngutiminut, ilisarisimasaminut suleqatigisartakkaminullu qanilaartutut ilisarisimaneqarpoq. Kaka nunatsinni suliassarpassuarnut kivitseqataasarsimavoq taamaalillunilu sulinermini tunniuttakkamini tatigineqarsimavoq nersorniarneqartarlunilu.
Kakap aapparisaanut meeraanut sisamanut kiisalu qanigisaanut misiginneqatiginninnera ingerlateqqippara.
Eqqaaneqarnera ataqqinartuuli.
Peter Olsen