AtuartigukClaus Nielsen KANUAANA-mi pisortanngussaaq
Nassiussisuuvoq: Aalisarnermut Piniarnermullu Naalakkersuisoqarfik
Claus Nielsen suliffeqarfinni assigiinngitsuni aqutsisutut atorfeqartartoq, soorlu Qaqortup kommuniani inuussutissarsiornermut pisortatut aamma Kalaallit Nunaanni Timersoqatigiit Kattuffianni pisortatut, Kalaallit Nunaanni Aalisarsinnaanermut Akuersissutinik Nakkutilliisoqarfimmi, KANUAANA-mi apriilip sisamaanni 2023-imi pisortanngussaaq.
Aalisarnermut Piniarnermullu Naalakkersuisoqarfiup atorfinitsitsinissamut ataatsimiititaliaata Claus Nielsenip aqutsisutut piginnaasai immikkut pingaartissimavai.
Claus Nielsen aqutsinermut, ataqatigiissaarinermut, pilersaarusiornernut, isumaqatiginninniartartutut aningaasaqarnermullu tunngasunik aamma missingersuutit pitsaasumik nakkutigilluarnissaannut paasinnillunilu aqutsilluartuuvoq.
Aqutsisutut sulisimanera pissanganartorujussuuvoq. Neriuppunga misilittagarpassui atorfittaamini ajunngitsumik pitsaasumillu sunniuteqarumaartut. Pingaarnertut suliassaa tassaavoq sulisuminut akuersaartumik pitsaasumullu aqqutissiuissalluni, Aalisarnermut Piniarnermullu Naalakkersuisoqarfimmi pisortaaneq Jørgen Isak Olsen oqarpoq.
Claus Nielsen Qaqortumi niuernermik ilinniarfimmi EVU-mi ilinniagassat tassaasut aningaasarsiorneq aamma allaffissorneq ilinniarsimavai. Royal Greenland A/S-imi ineriartortitsinermut siunnersortitut maannamut atorfeqarsimavoq.
KANUAANA-mi atorfillit 50-it missaanniipput.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq Jørgen Isak Olsen. Mail: jio@nanoq.gl