AtuartigukIlinniagaqartut amerlanerit nunatsinnut uternissaat kissaatiginarpoq
Nassiussisuuvoq: Naalakkersuisut Siulittaasuata Naalakkersuisoqarfia
Kalaallit nunaanni suliffissanik nittarsaassineq Århusimi aamma Københavnimi ingerlanneqassaaq ulluni 25. aamma 26 marts 2023.
”Ilinniarluarsimasunik amigaateqarpugut. Suliffinnik nittarsaassinermi siunertarineqarpoq ilinniagaqartut amerlanerit ilinniarnerup naammassineqarnerata kingorna nunatsinnut utertarnissaannut kajumissaarinissaq”, aqutsisoqatigiit sinnerlugit Jørgen Juel Jessen oqarpoq.
Saqqummiisitsinermi peqataasut periarfissaqassapput pisortaqarfiit imaluunniit suliffeqarfiit sapinngisamik amerlanerpaanut pilerisaarutigissallugit, aammalu pitsaalluinnartumik periarfissaqalissapput inuusuttunik oqaloqateqarnissamut.
”Kalaallit Nunaannut attuumassuteqartut sapinngisamik amerlasuut Kalaallit nunaannut suliffissarsiornissaat kissaatigaarput. Kalallit Nunaanni suliffeqarfippassuit pitsaalluinnartunik atugassaqartitsipput aammalu atorfeqarnermi qaffakkiartornissamut periarfissaqartitsillutik", taama oqarpoq Jørgen Juel Jessen.
Suliffeqarfiit tuugassaq una toorlugu nalunaarsinnaapput