Kangerlussuarmi umimmaap piaraa nukissaarulluni toquvoq

Kangerlussuarmi umimmaap piaraa kisimiilluni tarfisoq, tusagassiuutini sammineqangaatsiartoq, arfininngornermi februaarip 11-anni 2023-mi toqusoq, nukissaarulluni toqusimassasoq nalilerneqarpoq.

Allamik toqquteqarsimasinnaanera ilimagineqanngilaq, soorlu ajoqusersimanermik allamilluunniit nappaateqarluni toqquteqartutut oqaatigineqarsinnaanani.

Silap allanngornera aamma amigartumik nerisassaqarsimanera toquneranut pissutaasinnaapput. Taakku pissutaallutik nukissaarunnini pissutigalugu toqulluni.

Umimmaap piaraa arfininngornermi naammattoorneqarpoq nammineerluni nikuissinnaanngitsoq, arlaleriarlunimi nikueriartaraluarpoq.

Taamaattumik Kangerlussuarmi piniarnermik aamma aalisarnermik nakkutilliisut attavigineqarput umimmaap piaraata qanoq inneranik ilisimatinneqarlutik.

Piniarnermik aalisarnermillu nakkutilliisut umimmaap piaraa nakkutigiuarpaat qulakkeerniarlugu pisariaqanngitsumik qanillineqassanngimmat. Oqaatigaallu arfininngornerup tungaanut peqqillunilu uummaarilluni uumasoq.

Piniarnermut aalisarnermullu nakkutilliisut Uumasunut Nakorsaqarfik Inuussutissanullu Oqartussaaffik attavigisarlugu umimmaap piaraata uumatiinnarnissaa pillugu paaqqutarigaluarpaat. Uumatitsiniaraluarnerli iluatsinngilaq, umimmaap piaraa nukissaarunnini pissutigalugu nukittoqqinngilaq.

Ilimagineqarpoq umimmaap piaraa 2022-p ukiuunerani piaqqiarineqarsimassasoq, kisimiillunilu tarfisoq 2022-p naalernerani takuneqartalerpoq, taamaalilluni piaqqap arni qaammatit pingasut missaanni iliginagu tarfilluni.

Umimmaap piaraa arfininngormat misissorneqarpoq oqaatigineqarporlu saluttuaraasoq nukilaattorlu, kigutinilu immittuutit tamaasa attallugit, nassoqarlunilu 1 centimeterip missaannik takissusilinnik.

Umimmaap piaraata arni qaammatialuinnaqarluni annaappagu immuttorfissaminillu assigisaanillu periarfissaqartitaanani issittorsuarmi sikuusartumilu uumaannarnissaa qularnartarpoq.

Annerusumik paasiniaasoqarsinnaavoq Aalisarnermut Piniarnermullu Naalakkersuisoqarfimmut: apn@nanoq.gl