AtuartigukAalisarneq pillugu EU-mik suleqateqarluarneq uppernarsineqarpoq
Nassiussisuuvoq: Aalisarnermut Piniarnermullu NaalakkersuisoqarfikAalisarnermut Piniarnermullu Naalakkersuisup Karl Tobiassenip EU kommissær Virginijus Sinkevicius nunatsinnut tikeraarneranut atatillugu februaarip 7-ianni 2023-mi ataatsimeeqatigivaa.
Kommisæri EU-p Issittoq pillugu Oqallitsitsinera kiisalu Nunat Inoqqaavisa Isummersoqatigiinnerat peqataaffigissallugu.
Uanga aamma EU-p kommissærialu NAFO-mik, NEAFC-mik aamma naalagaaffiit sineriallit suleqatigiinnerat pillugit ataatsimiippugut. Aammali nunatta EU-llu aalisarnikkut suleqatigiinnissamik isumaqatigiissut oqaluuseraarput
- Aalisarnikkut Suleqatigiinnissamik Isumaqatigiissut, massakkullu tassunga ilassutaasoq, Kalaallit Nunaanni naalakkersuisuniit naammagisimaarneqarpoq, Aalisarnermut Piniarnermut Naalakkersuisoq oqarpoq.
Ataatsimeeqatigiittut isumaqatigiipput tamatigut isumaqatigiittoqarneq ajoraluartoq aalisarneq pillugu ingerlatsinikkut, nakkutilliinikkut aamma ilisimatusarnikkut suleqatigiilluartoqarsinnaasoq, Aalisarnermut Piniarnermut Naalakkersuisoq oqarpoq.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl