AtuartigukCanadap Kalaallit Nunaatalu akornanni killeqarfimmut isumaqatigiissut danskit Nunanut Allanut Ministeriannit Lars Løkke Rasmussenimit Naalakkersuisumut Vivian Motzfeldtimut tunniunneqarpoq
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Canadamiut nunanut allanut ministeriat, Naalakkersuisut Siulittaasuat aammalu danskit nunanut allanut ministeriata junip 14-ani 2014 Ottavami Canadamiittumi nalliuttorsiornartumik Canadap Kalaallit Nunaatalu akornanni killeqarfik pillugu isumaqatigiissut atsiorpaat.
Nalliuttorsiornartumik atsioqatigeereernerup kingorna isumaqatigiissut atsiugaq danskit nunanut allanut ministeriaata Danmarkimut angerlaappaa.
Isumaqatigiissutip atsiorneqarneranit qaammatit arfineq-pingasut ingerlasimalerput, siusinnerusukkullu isumaqatigiissutaareernikuuvoq isumaqatigiissut atsiugaq Kalaallit Nunaanni inissisimatinneqassasoq. Danmarkimi naalakkersuisut nikereernerisigut isumaqatigiissutaasoq malillugu isumaqatigiissut Kalaallit Nunaannut tunniunneqassasoq aalajangiunneqarpoq.
Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt ima oqaaseqarpoq:
”Nuanneqaaq isumaqatigiissut qaammatini arlalinni utaqqereerlugu kiisami danskit nunanut allanut ministeriannit tigugatsigu. Isumaqatigiissut Canadamut Nunatsinnullu oqaluttuarisaanermi pingaaruteqaqisoq inissippoq, taamaattumillu Kalaallit Nunaaniitinnissaa pissusissamisoorpoq.”
Canadap Kalaallit Nunaata Danmarkillu killeqarfik pillugu isumaqatigiissutaat pingasunut aggugaavoq: Tartupalummi nunami killeqarfik, 200 sømilip iluani imaatigut killeqarfik, tassunga ilaalluni Lincolnip imartaa aammalu 200 sømilinik killeqarfiup avataani nunap toqqavia.
Paasisaqarnerurusukkuit attaveqarfigiuk naalakkersuisoqarfiup pisortaa Mininguak’ Kleist e-mailikkut: mikl@nanoq.gl oqarasuaatikkulluunniit + 299 34 51 48.
Nalliuttorsiornartumik atsioqatigeereernerup kingorna isumaqatigiissut atsiugaq danskit nunanut allanut ministeriaata Danmarkimut angerlaappaa.
Isumaqatigiissutip atsiorneqarneranit qaammatit arfineq-pingasut ingerlasimalerput, siusinnerusukkullu isumaqatigiissutaareernikuuvoq isumaqatigiissut atsiugaq Kalaallit Nunaanni inissisimatinneqassasoq. Danmarkimi naalakkersuisut nikereernerisigut isumaqatigiissutaasoq malillugu isumaqatigiissut Kalaallit Nunaannut tunniunneqassasoq aalajangiunneqarpoq.
Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt ima oqaaseqarpoq:
”Nuanneqaaq isumaqatigiissut qaammatini arlalinni utaqqereerlugu kiisami danskit nunanut allanut ministeriannit tigugatsigu. Isumaqatigiissut Canadamut Nunatsinnullu oqaluttuarisaanermi pingaaruteqaqisoq inissippoq, taamaattumillu Kalaallit Nunaaniitinnissaa pissusissamisoorpoq.”
Canadap Kalaallit Nunaata Danmarkillu killeqarfik pillugu isumaqatigiissutaat pingasunut aggugaavoq: Tartupalummi nunami killeqarfik, 200 sømilip iluani imaatigut killeqarfik, tassunga ilaalluni Lincolnip imartaa aammalu 200 sømilinik killeqarfiup avataani nunap toqqavia.
Paasisaqarnerurusukkuit attaveqarfigiuk naalakkersuisoqarfiup pisortaa Mininguak’ Kleist e-mailikkut: mikl@nanoq.gl oqarasuaatikkulluunniit + 299 34 51 48.