Atuartiguk
Kommunit maannakkut ilusiat, siusinaartumik pensionisialinnut aningaasat tigoriaannaat, suliffissuit atugassaannik imermik nukissiorfik kiisalu assannut kissalaartunut siunnerfilimmik pikkorissaanerit tamakkuupput kommunini aamma Namminersorlutik Oqartussat politikkikkut aqutsisut Naalakkersuinikkut Ataqatigiissaarisuni Sisimiuni ulloq febuaarip 15-ianni 16-iannilu ataatsimiinneranni oqaluuserineqartussat ilaat.
”Ataatsimiinnissatsinni oqaluuserisassagut immikkoortut amerlasuut saqqumilaartullu pillugit politikkikkut oqallinnissamut qilanaarpunga, ilaatigut oqaatigisinnaavara Naalakkersuisut borgmesterillu akornanni kommuninut suliassiissutit aamma kommunit maannakkut ilusaata allanngortinneqarsinnaanera pillugit oqallinnissaq” Isumaginninnermut, Suliffeqarnermut Nunamullu Namminermut Naalakkersuisoq, Jess Svane, oqaaseqarpoq.
Naalakkersuinikkut Ataqatigiissaarisut ataatsimiittarneranni siunertaavoq kommunit aamma Namminersorlutik Oqartussat akornanni politikkikkut suleqatigiinnerup nukittorsarneqarnissaa. Sisimiuni ataatsimiinnissaq Jess Svanemut Naalakkersuinikkut Ataqatigiissaarisuni siulittaasutut siullerpaassaaq:
”Kommunit aamma Namminersorlutik Oqartussat akornanni suleqatigiinneq pitsaasoq nukittorsassallugu pingaartissallugulu uannut pingaaruteqarpoq, uani politikkikkut ataqatigiissaarineq pingaarutilimmik inissisimavoq, kommunini aamma Namminersorlutik Oqartussani politikkikkut oqaloqatigiinneq siuarsarniarlugu” Naalakkersuisoq, Jess Svane oqaluttuarpoq.
Naalakkersuinikkut Ataqatigiissaarisut minnerpaamik ukiumut marloriarlutik katersuuttarput Namminersorlutik Oqartussanut kommuninullu oqaluuserisassat ataatsimut attuumassutillit oqallisiginiarlugit.
Paasisaqarnerurusukkuit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11.
”Ataatsimiinnissatsinni oqaluuserisassagut immikkoortut amerlasuut saqqumilaartullu pillugit politikkikkut oqallinnissamut qilanaarpunga, ilaatigut oqaatigisinnaavara Naalakkersuisut borgmesterillu akornanni kommuninut suliassiissutit aamma kommunit maannakkut ilusaata allanngortinneqarsinnaanera pillugit oqallinnissaq” Isumaginninnermut, Suliffeqarnermut Nunamullu Namminermut Naalakkersuisoq, Jess Svane, oqaaseqarpoq.
Naalakkersuinikkut Ataqatigiissaarisut ataatsimiittarneranni siunertaavoq kommunit aamma Namminersorlutik Oqartussat akornanni politikkikkut suleqatigiinnerup nukittorsarneqarnissaa. Sisimiuni ataatsimiinnissaq Jess Svanemut Naalakkersuinikkut Ataqatigiissaarisuni siulittaasutut siullerpaassaaq:
”Kommunit aamma Namminersorlutik Oqartussat akornanni suleqatigiinneq pitsaasoq nukittorsassallugu pingaartissallugulu uannut pingaaruteqarpoq, uani politikkikkut ataqatigiissaarineq pingaarutilimmik inissisimavoq, kommunini aamma Namminersorlutik Oqartussani politikkikkut oqaloqatigiinneq siuarsarniarlugu” Naalakkersuisoq, Jess Svane oqaluttuarpoq.
Naalakkersuinikkut Ataqatigiissaarisut minnerpaamik ukiumut marloriarlutik katersuuttarput Namminersorlutik Oqartussanut kommuninullu oqaluuserisassat ataatsimut attuumassutillit oqallisiginiarlugit.
Paasisaqarnerurusukkuit attaveqarfigiuk naalakkersuisup allattaa Helene S. Pedersen e-mailikkut: hspd@nanoq.gl oqarasuaatikkulluunniit + 299 34 56 11.