AtuartigukRG-p pisortartaavanik ilisimatitseqatigiilluarluni ataatsimeeqateqarneq
Nassiussisuuvoq: Aalisarnermut Piniarnermullu NaalakkersuisoqarfikRG-p pisortartaavanik ilisimatitseqatigiilluarluni ataatsimeeqateqarneq
Aalisarnermik Piniarnermillu Naalakkersuisup, Karl Tobiassenip, Royal Greenlandip pisortartaava Susanne Arfelt Rajamand Aalisarnermut Piniarnermullu Naalakkersuisoqarfimmi februaarip 6-ianni 2023-mi ataatsimeeqatigivaa.
- Paaseqatigiilluarluta ilisimatitseqatigiilluarlutalu nunatsinni aalisakkanik qaleralualinnillu tunitsiviit avammullu tuniniaasartup annersaata pisortartaavanik ataatsimeeqateqarpunga. Ataatsimiinnermi nunatsinni aalisarneq qitiutillugu ataatsimiippugut, aamma Royal Greenlandip pisortartaavata suut suliarissanerlugit ataatsimiinnermi aamma ilaatigut oqaatigineqarpoq.
- Pingaartillugu oqaatigivara Royal Greenlandip tunitsivianut aalisakkat assigiinngitsut aalisartut tunisinnaasariaqaraluaraat, aamma suliffeqarfissuaq tamatumunnga piareersimanerusariaqartoq. Assersuutigalugu oqaatigineqarsinnaavoq nunatsinni tunitsivippassuaqarmat qaleraliinnarnik tunitsiviusartunik, naak aalisarfigineqartartut amerlaqisut saarullippassuaqartaraluartut, Aalisarnermut Piniarnermullu Naalakkersuisoq, Karl Tobiassen oqarpoq.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl