AtuartigukMúte: Oqaluinnarnata timitaliisariaqarpugut
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut siulittaasuat, Múte Bourup Egede ullaap tungaani EU Arctic Forum and Indigenous Peoples Dialogue Katuami ingerlanneqartumi ammaanersiorluni oqalugiarpoq, ilaatigullu ima oqarpoq:
”Maani isersimasugut suliassagut eqqartugassagullu amerlaqaat. Ullulli atulikkatta pisussaaffiliinerat puigussanngilarput. Suleqatigiinnerullu illugiilluni akaaraqatigiillunilu ingerlatsiviunissaa pingaartittuartariaqarlugu. Oqaatsimmi siunnerfiillu kusanartut eqqartuinnarnagit qanoq piviusunngortillugillu timitaliiviginissaat aamma ilannguttassallugu piffissaavoq.
Siunissammi utaqqinavianngilaatigut, akunnitsinnilu ulluni aggersuni maani peqatigiinnitsinni neriuutigaara unammilligassat tunngavigalugit oqallinneq aamma siunissamut ingerlariaqqinnissamut tikkuussisunik kinguneqarumaartoq. Unammilligassammi qanoq iluarsiiffiginissaat qanorlu pitsaanerusunik atugaqartitaaneq qanoq isilluta anguniarnissaa tamatta soqutigisaraarput, Múte Bourup Egede ilaatigut oqarpoq.