Tusaannga ulloq unnuarlu ammasalissaaq
Innuttaasut oqarasuaammut siunnersuisarfimmut Tusaanngamut sianeraangamik sianilussinnartasanngillat. Siunnersuisumik oqaloqateqarnissamik pisariaqartitsigaanni ulloq 10.februarimiit ulloq unnuarlu siunnersuisarfimmut sianertoqarsinnaalissaaq.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik![](/-/media/billeder/telefoner/mobil.jpg?cx=0.47&cy=0.29&cw=975&ch=415&hash=1D70D12E62EADC5A6D23795DBC381564)
Tusaanngamut saaffiginnittartut amerlassusaasa takutippaat, oqarasuaat siunnersuisarfik assut pisariaqartinneqartoq. Tusaannga innuttaasunit ikiorneqarnissamik pisariaqartitsisunit 3.826-nit ukioq kingulleq sianerfigineqarpoq. Ukiup siulianut sanilliullugu 48 procentimik taanna amerleriaataavoq.
Isumaginninnermut Aqutsisoqarfimmi immikkoortortami pisortap, Naja Lund Kielsenip, oqarasuaatip siunnersuisarfiup ammajuaannarnissaata pingaarutaa ima oqarluni erseqqissarpaa:
- Innuttaasut ulloq unnuarlu saaffiginnissinnaasariaqarput. Kisimiittutut misigisimaneq, annilaanganeq imaluunniit imminut toqunnissamik eqqarsaasersornerit ullup unnuallu ingerlanerani sukkulluunniit takkussimaarsinnaasarput aamma ammasarfinnut aalajangersimasunut naleqqussarneqarsinnaanngillat, Naja Lund Kielsen oqarpoq.
Taassuma ilisimatitsissutigaa saaffiginnittunit tamanit saaffiginnittut 10 procentiisa missaat imminut toqunnissamut tunngasuusartut.
Oqarasuaatip siunnersuisarfiup ammasarfiisa sivitsorneqarneri innuttaasunut tamanut iluaqutaassaaq. Nunami maani meeqqanut inuusuttunullu artorsaateqartunut ikiorsiisarnerup tapersersuisarnerullu qulakkeerniarneranik sulinermi killiffik ujartorneqartartoq ulloq unnuarlu ammasalernermi aamma malunnartinneqarpoq.
- Ikiorneqarniaraanni nalunaaquttap qanoq ilinera aalajangiisuusussaanngitsoq pillugu inuusuttut oqariartuutaat matumani tusaassallugu pingaaruteqarsimavoq. Eqqarsaatit aamma misigissutsit artornartut nalunaaqutaq malillugu ingerlasanngimmata tamatta nalunngilarput. Paarlattuanik inuusuttuulluni inuk tusarnaarnissaminut piareersimasoq pisariaqartitsinermi attaveqarfigineqarsinnaassaaq. Tusaanngap ulloq unnuarlu ammasalernerani tamanna naammassisinnaalissavarput, Meeqqanut, inuusuttunut, Ilaqutariinnut Peqqissutsimullu naalakkersuisoq Mimi Karlsen oqarpoq.
Naalagaaffiit Peqatigiit Meeqqat pillugit isumaqatigiissutaata 2017-mi innersuuppaa, Kalaallit Nunaanni siunnersuinermik neqeroorut sivitsorneqassasoq, taamaalilluni nalunaaquttap akunnerini 24-ni pissarsiarineqarsinnaalerluni.
Meeqqat Pisinnaatitaaffiinnik Sullissiviup MIO-p ulloq unnuarlu ammatitsisarnermik aaqqissuussisoqarsinnaanersoq aamma apeqqutiginikuuvaa, matumani Kalaallit Nunaanni imminut toquttut amerlasoorujussuuneri peqqutigalugit, oqarasuaatip siunnersuisarfiup ammasarnerata sivitsorneqarsinnaanera ilanngullugu.
Tusaannga nalunaaquttap akunnerini 24-ni ulloq 10. februar 2023-miit ammasalissaaq. Tusaanngami siunnersortit oqarasuaatikkut 801180-imut sianerluni aamma 1899-imut SMS-erluni attavigineqarsinnaapput. Tusaanngamut attaveqarneq akeqanngilaq aamma kinaassuseq isertuunneqarsinnaavoq.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.
Isumaginninnermut Aqutsisoqarfimmi immikkoortortami pisortap, Naja Lund Kielsenip, oqarasuaatip siunnersuisarfiup ammajuaannarnissaata pingaarutaa ima oqarluni erseqqissarpaa:
- Innuttaasut ulloq unnuarlu saaffiginnissinnaasariaqarput. Kisimiittutut misigisimaneq, annilaanganeq imaluunniit imminut toqunnissamik eqqarsaasersornerit ullup unnuallu ingerlanerani sukkulluunniit takkussimaarsinnaasarput aamma ammasarfinnut aalajangersimasunut naleqqussarneqarsinnaanngillat, Naja Lund Kielsen oqarpoq.
Taassuma ilisimatitsissutigaa saaffiginnittunit tamanit saaffiginnittut 10 procentiisa missaat imminut toqunnissamut tunngasuusartut.
Oqarasuaatip siunnersuisarfiup ammasarfiisa sivitsorneqarneri innuttaasunut tamanut iluaqutaassaaq. Nunami maani meeqqanut inuusuttunullu artorsaateqartunut ikiorsiisarnerup tapersersuisarnerullu qulakkeerniarneranik sulinermi killiffik ujartorneqartartoq ulloq unnuarlu ammasalernermi aamma malunnartinneqarpoq.
- Ikiorneqarniaraanni nalunaaquttap qanoq ilinera aalajangiisuusussaanngitsoq pillugu inuusuttut oqariartuutaat matumani tusaassallugu pingaaruteqarsimavoq. Eqqarsaatit aamma misigissutsit artornartut nalunaaqutaq malillugu ingerlasanngimmata tamatta nalunngilarput. Paarlattuanik inuusuttuulluni inuk tusarnaarnissaminut piareersimasoq pisariaqartitsinermi attaveqarfigineqarsinnaassaaq. Tusaanngap ulloq unnuarlu ammasalernerani tamanna naammassisinnaalissavarput, Meeqqanut, inuusuttunut, Ilaqutariinnut Peqqissutsimullu naalakkersuisoq Mimi Karlsen oqarpoq.
Naalagaaffiit Peqatigiit Meeqqat pillugit isumaqatigiissutaata 2017-mi innersuuppaa, Kalaallit Nunaanni siunnersuinermik neqeroorut sivitsorneqassasoq, taamaalilluni nalunaaquttap akunnerini 24-ni pissarsiarineqarsinnaalerluni.
Meeqqat Pisinnaatitaaffiinnik Sullissiviup MIO-p ulloq unnuarlu ammatitsisarnermik aaqqissuussisoqarsinnaanersoq aamma apeqqutiginikuuvaa, matumani Kalaallit Nunaanni imminut toquttut amerlasoorujussuuneri peqqutigalugit, oqarasuaatip siunnersuisarfiup ammasarnerata sivitsorneqarsinnaanera ilanngullugu.
Tusaannga nalunaaquttap akunnerini 24-ni ulloq 10. februar 2023-miit ammasalissaaq. Tusaanngami siunnersortit oqarasuaatikkut 801180-imut sianerluni aamma 1899-imut SMS-erluni attavigineqarsinnaapput. Tusaanngamut attaveqarneq akeqanngilaq aamma kinaassuseq isertuunneqarsinnaavoq.
Paasisaqarnerorusukkuit Naalakkersuisup allattaa Naja Lynge Petersen e-mail: nalp@nanoq.gl imaluunniit oqarasuaammut uunga +299 34 66 41 attaveqarfigisinnaavat.