AtuartigukQAK Aalisarneq pillugu Siunnersuisoqatigiinnut ilaasortanngorpoq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut februaarip aappaanni 2023-mi ataatsimiinnerminni QAK-p Aalisarneq pillugu Siunnersuisoqatigiinnut ilaasortanngussalluni kissaataa akuerivaat.
QAK tassaavoq Qaleralinniat Aalisagarniallu Kattuffiat, aalisartitseqatigiinnit ilaasortaaffigineqartoq. Ilaasortat katillutik 40-t missaanniittut ingerlatsiviuteqarput.
Taakku sinerissap qanittuani avataanilu angisuunik aalisariutaateqarput: aalisariutit assagiarsunniartuupput, saarullinniartuullutik, qaleralinniartuullutik aamma raajarniartuullutik.
Aalisarneq pillugu Siunnersuisoqatigiinni maannakkut ilaasortat tassaapput KNAPK Sulisitsisut GE.
Attavigineqarsinnaavoq Aalisarnermut Piniarnermullu Naalakkersuisoqarfik. E-mail: apn@nanoq.gl