2023-mi misileraalluni aalisarneq

Naalakkersuisut aalajangerput 2023-mi aalisakkanik misileraalluni arlalinnik aalisartoqassasoq, siunertaralugu nunatta imartarujussuani nutaanik aalisarfigineqarsinnaasunik periarfissarsiornissaq.

Taamaattumik aalajangiunneqarpoq aalisakkanik assigiinngitsunik misileraalluni aalisartoqassasoq, sumiiffiit aalisakkanik siumorneqarsimanngitsut aamma sumiiffiit aalisarfigineqarsimanngisaannartut aalisarfigineqassallutik.

Misileraalluni aalisarneq ima nassuiarneqarsinnaavoq, uku siunertaralugit aalisarnertut:

• aalisagaqatigiinnik misissuineq, ilisimasaqarfigineqanngitsunik
• aalisarfinnik misileraaneq, ilisimasaqarfigineqanngitsunik
• aalisariaatsit atortullu nutaat atorlugit aalisarnermik misileraaneq

Misileraalluni aalisarnissamut akuersissutinik kingusinnerpaamik marsip aallaqqaataa 2023 nallertinnagu qinnuteqartoqarsinnaavoq.

Misileraalluni aalisarnerit 2023-mi pilersinneqarsimasut uani atuarsinnaavatit

Misileraalluni aalisarnissamut qinnuteqartoqassaaq immersuiffissaq misileraalluni aalisarnissamut qinnuteqarfissaq atorlugu.

Qinnuteqarfissaq aajuna qinnuteqarfissaq

Misileraalluni aalisarsinnaanermut akuersissutit qinnuteqartoqareerne-ratigut tunniunneqarsinnaapput. Pinngortitaleriffiup aamma Aalisarnermut Piniarnermullu Naalakkersuisoqarfiup innersuussutai tunngavigalugit misileraalluni aalisartoqassaaq. Misileraalluni aalisartoqareerpat aalisarneq pillugu nalunaarusiortoqassaaq.

Qinnuteqartunut pisassiisoqareerpat Naalakkersuisullu pisasseereerpata qinnuteqarsimasunut pisassinneqarsimasunullu aalisarsinnaanermut akuersissutinik tunniussisoqassaaq, aalisarsinnaanermullu akuersissummik tunineqanngitsut akuersissummik tunineqannginnerinut tunngavilersuummik ilisimatinneqassapput.
Aalisakkanik taaneqanngitsunik misileraassalluni kissaateqartoqarpat, Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl

Attavigineqarsinnaavoq Aaliarnermut Piniarnermullu Naalakkersuisoqarfik. E-mail: apn@nanoq.gl