AtuartigukPauline Motzfeldt Lumholtimik eqqaaniut
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Pauline Motzfeldt Lumholtimik eqqaaniut
Nunatsinni qilaatersorneq pillugu sinniisorisatta nukittunersaasa ilaanik Nunarput annaasaqarpoq.
Pauline Motzfeldt Lumholt 11. marts 1945-mi Nuummi inunngorpoq, 77-inillu ukioqarluni 22. januar 2023-mi toqukkut qimagulluni.
Pauline (Paaliit) Nunatsinni qilaatersorneq pillugu sinniisut nukittunerpaat ilaattut ilisarisimavarput. Qilaatersornermik ilinniartitsisarpoq, namminerlumi qilaatersortartuuvoq. Qilaatersorneq Paulinemut (Paaliimut) pingaaruteqartorujussuunikuuvoq. Qilaatersorneq aamma kalaallit inuusaasitoqaat pillugit ilisimasani ingerlateqqittarpai. Qilaatersornermik ileqqoqarnerup attatiinnarnissaanut suliniuteqartuunikuuvoq, Nunatsinnilu nunanilu avannarlerni tamatuma ilisimaneqarnerata siaruaanneqarnissaa pillugu suliniuteqaqataanikuulluni. Suliniuteqarnera ataqqiniarlugu Kalaallit piorsarsimassusiat pillugu nersornaammik (Kalaallit Kulturimut nersornaasiuttagaannik) 1995-imi akissarsisinneqarpoq.
Pauline (Paaliit) erinarsoqatigiittarnermik qilaatersornermillu meeqqanut ukiuni amerlaqisuni ilinniartitsisarnikuuvoq, nipilersuutinik ileqqorsuutinillu Danmarkimeersunik Nunatsinneersunillu saqqummiussisarlunilu erinarsortarnikuulluni. Pauline (Paaliit) uinilu Bent meeqqatik arfinillit peqatigalugit kalaallit juullisiutaannik nuuteeqqamik saqqummersitsinikuupput, taannalu ateqarpoq ”Lumholtikkut”.
Paulinep (Paaliip) ilaqutai qamannga pisumik misiginneqatigalugit.
Peter Olsen
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Nunatsinni qilaatersorneq pillugu sinniisorisatta nukittunersaasa ilaanik Nunarput annaasaqarpoq.
Pauline Motzfeldt Lumholt 11. marts 1945-mi Nuummi inunngorpoq, 77-inillu ukioqarluni 22. januar 2023-mi toqukkut qimagulluni.
Pauline (Paaliit) Nunatsinni qilaatersorneq pillugu sinniisut nukittunerpaat ilaattut ilisarisimavarput. Qilaatersornermik ilinniartitsisarpoq, namminerlumi qilaatersortartuuvoq. Qilaatersorneq Paulinemut (Paaliimut) pingaaruteqartorujussuunikuuvoq. Qilaatersorneq aamma kalaallit inuusaasitoqaat pillugit ilisimasani ingerlateqqittarpai. Qilaatersornermik ileqqoqarnerup attatiinnarnissaanut suliniuteqartuunikuuvoq, Nunatsinnilu nunanilu avannarlerni tamatuma ilisimaneqarnerata siaruaanneqarnissaa pillugu suliniuteqaqataanikuulluni. Suliniuteqarnera ataqqiniarlugu Kalaallit piorsarsimassusiat pillugu nersornaammik (Kalaallit Kulturimut nersornaasiuttagaannik) 1995-imi akissarsisinneqarpoq.
Pauline (Paaliit) erinarsoqatigiittarnermik qilaatersornermillu meeqqanut ukiuni amerlaqisuni ilinniartitsisarnikuuvoq, nipilersuutinik ileqqorsuutinillu Danmarkimeersunik Nunatsinneersunillu saqqummiussisarlunilu erinarsortarnikuulluni. Pauline (Paaliit) uinilu Bent meeqqatik arfinillit peqatigalugit kalaallit juullisiutaannik nuuteeqqamik saqqummersitsinikuupput, taannalu ateqarpoq ”Lumholtikkut”.
Paulinep (Paaliip) ilaqutai qamannga pisumik misiginneqatigalugit.
Peter Olsen
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq