AtuartigukNaalakkersuisut KNAPK ataatsimeeqatigaat
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut siulittaasuat Múte B. Egede aamma Aalisarnermut Piniarnermullu Naalakkersuisoq Karl Tobiassen, KNAPK-milu siulittaasoq Nikkulaat Jeremiassen, sapaatip akunnerani qaangiuttumi ukioq nutaap aallarnernera malunnartinniarlugu ataatsimeeqatigiipput.
Ataatsimiinnermi pingaarnertut aalisarnermi pissutsit pillugit eqqartueqatigiipput. KNAPK-p aaqqissuussaaneq nutarteqqissimallugu saqqummiussaqarpoq, kiisalu aalisarnermi pissutsinut kattuffittut nukittuumik inissisimanissani siunniussimallugu oqariartuuteqarpoq.
KNAPK-p Naalakkersuisunut saqqummiussai pingaarnerit tassaapput aalisarnermi tulaassuinermi akitigut inissisimaneq pillugu ingerlariaqqinnissamut eqqarsaatitik. Ataatsimeeqatigiinnermi ilaatigut aamma aalisarneq pillugu inatsisissamut tunngaviusinnaasunik eqqartueqatigiipput.
Naalakkersuisut siulittaasuata Múte B. Egedep pingaartillugu oqaatigivaa inatsisissap suliarineranut atatillugu Naalakkersuisooqatigiinni pingaartinneqartoq atuisut qanimut peqatigalugit suliap ingerlannissaa, taamaammallu nuannaarutigalugu Aalisarnermut Piniarnermullu Naalakkersuisoq Karl Tobiassen sinerissami angalasimanera tassunga takussutissaasoq.
Naalakkersuisunut siulittaasoq Múte B. Egedep aamma pingaartippaa inatsisissap suliarinerani susassaqartut ammasumik ersarissumillu saqqummiussissasut aalisarnerup aaqqissuuteqqinnissaanut pingaaruteqartutut naliliutitik apuunnerisigut.
Aalisarnermut Piniarnermullu Naalakkersuisup Karl Tobiassenip erseqqissarpaa inatsisissamut suliaqarnermini kattuffiit tamaasa oqaloqatigilluarsimallugit, aamma kattuffiit aalisarnermut toqqaannartumik attuumassuteqartuunngitsut ilanngullugit oqaloqatigisimallugit.
Tassungaluatatillugu nunatsinni aningaaserivik Grønlandsbank soraarnerussutisiassanillu aningaasaateqarfik SISA ilanngullugu oqaloqatigisimallugit.
Tassuunatigut Aalisarnermut Piniarnermullu Naalakkersuisup aalisarnermi aaqqissuusseqqittoqarneratigut aningaasaliisinnaassutsip qulakkeerneqarsimanissaa pingaartillugu oqariartuutigaa.
Naalakkersuisut KNAPK-llu ataatsimeeqatigiinneq nuannaarutigaat, isumaqatigiillutillu inatsisissap aalisarnermilu pissutsit ingerlaavartut pillugit akulikinnerusumik ataatsimeeqatigiittarnissat ingerlanneqartassasut.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl
Ataatsimiinnermi pingaarnertut aalisarnermi pissutsit pillugit eqqartueqatigiipput. KNAPK-p aaqqissuussaaneq nutarteqqissimallugu saqqummiussaqarpoq, kiisalu aalisarnermi pissutsinut kattuffittut nukittuumik inissisimanissani siunniussimallugu oqariartuuteqarpoq.
KNAPK-p Naalakkersuisunut saqqummiussai pingaarnerit tassaapput aalisarnermi tulaassuinermi akitigut inissisimaneq pillugu ingerlariaqqinnissamut eqqarsaatitik. Ataatsimeeqatigiinnermi ilaatigut aamma aalisarneq pillugu inatsisissamut tunngaviusinnaasunik eqqartueqatigiipput.
Naalakkersuisut siulittaasuata Múte B. Egedep pingaartillugu oqaatigivaa inatsisissap suliarineranut atatillugu Naalakkersuisooqatigiinni pingaartinneqartoq atuisut qanimut peqatigalugit suliap ingerlannissaa, taamaammallu nuannaarutigalugu Aalisarnermut Piniarnermullu Naalakkersuisoq Karl Tobiassen sinerissami angalasimanera tassunga takussutissaasoq.
Naalakkersuisunut siulittaasoq Múte B. Egedep aamma pingaartippaa inatsisissap suliarinerani susassaqartut ammasumik ersarissumillu saqqummiussissasut aalisarnerup aaqqissuuteqqinnissaanut pingaaruteqartutut naliliutitik apuunnerisigut.
Aalisarnermut Piniarnermullu Naalakkersuisup Karl Tobiassenip erseqqissarpaa inatsisissamut suliaqarnermini kattuffiit tamaasa oqaloqatigilluarsimallugit, aamma kattuffiit aalisarnermut toqqaannartumik attuumassuteqartuunngitsut ilanngullugit oqaloqatigisimallugit.
Tassungaluatatillugu nunatsinni aningaaserivik Grønlandsbank soraarnerussutisiassanillu aningaasaateqarfik SISA ilanngullugu oqaloqatigisimallugit.
Tassuunatigut Aalisarnermut Piniarnermullu Naalakkersuisup aalisarnermi aaqqissuusseqqittoqarneratigut aningaasaliisinnaassutsip qulakkeerneqarsimanissaa pingaartillugu oqariartuutigaa.
Naalakkersuisut KNAPK-llu ataatsimeeqatigiinneq nuannaarutigaat, isumaqatigiillutillu inatsisissap aalisarnermilu pissutsit ingerlaavartut pillugit akulikinnerusumik ataatsimeeqatigiittarnissat ingerlanneqartassasut.
Attavigineqarsinnaavoq Aalisarnermut Piniarnermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl