AtuartigukIlaqutariit pillugit isumasioqatigiissitsineq: Immitsinni ataqatigiissitsilissaagut
Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen, “Siunissami Ilaqutariit - toqqissisimasut, eqeersimaartut aamma asannittut” pillugit isumasioqatigiissitsereerpoq. Aaqqissuussap isumaginninnermut suliassaqarfimmi pisortanit namminersortuniillu assigiinngitsunik suliallit akornanni suliniutaasut patajaallisarlugillu ineriartorteqqissavai.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Ilaqutariit pillugit sumasioqatigiinnermi piumassuseqarluartoqarnera pimoorussisoqartoqarneralu malunnarpoq oqallittoqarluarlunilu. Inuiaqatigiinni pitsaasumik ineriartortoqarnissaa qulakkeerniarlugu, kikkut tamarmik qanoq suleqatigiissinnaanerannik qitiusumik suliallit takorluukkaminnik ilanngussipput.
Ilaatigut peqataasut qanoq iliornikkut atassuteqarnerminnik ataqatigiissaarisinnaanerlutik, akunnerminni suleqatigiinnertik qanoq patajaallisissinnaanerlugu aamma siunissaq isigalugu qanoq imminnut suleqatigiilersinnaanertik pillugu eqqartuipput.
Innuttaasup pisortat ingerlatsiviini ajornannginnerusumik pissarsisinnaanerminik misigisaqarnissaanik tamassuma inernerissavaa.
- Ilaqutariit assigiinngitsuupput, ilaqutariit assigiinngitsumik ilusinittarput, ilai ataasiinnarmik meerartaqarput allallu arlalinnik, ilaalli meerartaqarneq ajorput. Ilaqutariinneq anaanaannaanngilaq ataataannaananilu, qanigisamik ilaqutaqarpoq paarsisartunillu ilaqutareeqarluni, taakku tamarmik immikkut ilaqutariinnik toqqissisimasunik, eqeersimaartunik asannittunillu pilersiteqataanissaminnut akisussaaqataapput. Taamaattoqarnera paarilluassavarput, Mimi Karlsen oqarpoq.
Meeqqanik inuusuttunillu sulianik imminnik tunngassuteqartunik ilanngutititsisarnissaq pillugu oqallittoqarpoq. Meeqqap isiginnittariaasiata erseqqarissarneqarnissaata pingaaruteqassusaa NAKUUSA-mit aamma Meeqqat Pisinnaatitaaffiinik Sullissivimmit MIO-mit oqariartuutigineqarpoq, meeqqammi taakkuummata namminneq ulluinnatik qanoq ittuunerannik ilisimannittut.
- Meerarpassuaqarpoq, inuusuttorpassuit ilaqutariippassuaqarlunilu ilungersortunik. Ilaqutariinnik tamakkiisutut isiginninnissarput eqqummaariffigissavarput ilaqutariillu angerlarsimaffimminni toqqissisimasunik sinaakkusiinerannut peqataassaagut, taama oqarpoq Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen.
Peqataasunit alloriarnissap tulliata suunera eqqarsaatigineqarpoq, isumasioqatigiinnissap tulliuttup pinnginnerani najukkami suliffimminni qanoq iliorsinnaanerlutik isumaliutersuutigaat.
Tamanna inuiaqatigiinni toqqammaviulluinnartunut pitsaanersumik atugaqartitsilernissamut ukununnga pingaaruteqarluinnartumik ilapittuutaassaaq: Ilaqutariit.
Nuummi januaarip 9-aniit 11-ata tungaanut isumasioqatigiinnermi peqataasut tassaapput kommunini politikerit, nuna tamakkerlugu politikerit, kommuninit tallimanit sulisut qitiulluinnartut, qitiusumik allaffeqarfik, pisinnaatitaaffiit pillugit sullissiviit, NGO-t, ilisimatusartut, politiit namminerlu piumassuseq malillugu suliniaqatigiiffiit.
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.
Ilaatigut peqataasut qanoq iliornikkut atassuteqarnerminnik ataqatigiissaarisinnaanerlutik, akunnerminni suleqatigiinnertik qanoq patajaallisissinnaanerlugu aamma siunissaq isigalugu qanoq imminnut suleqatigiilersinnaanertik pillugu eqqartuipput.
Innuttaasup pisortat ingerlatsiviini ajornannginnerusumik pissarsisinnaanerminik misigisaqarnissaanik tamassuma inernerissavaa.
- Ilaqutariit assigiinngitsuupput, ilaqutariit assigiinngitsumik ilusinittarput, ilai ataasiinnarmik meerartaqarput allallu arlalinnik, ilaalli meerartaqarneq ajorput. Ilaqutariinneq anaanaannaanngilaq ataataannaananilu, qanigisamik ilaqutaqarpoq paarsisartunillu ilaqutareeqarluni, taakku tamarmik immikkut ilaqutariinnik toqqissisimasunik, eqeersimaartunik asannittunillu pilersiteqataanissaminnut akisussaaqataapput. Taamaattoqarnera paarilluassavarput, Mimi Karlsen oqarpoq.
Meeqqanik inuusuttunillu sulianik imminnik tunngassuteqartunik ilanngutititsisarnissaq pillugu oqallittoqarpoq. Meeqqap isiginnittariaasiata erseqqarissarneqarnissaata pingaaruteqassusaa NAKUUSA-mit aamma Meeqqat Pisinnaatitaaffiinik Sullissivimmit MIO-mit oqariartuutigineqarpoq, meeqqammi taakkuummata namminneq ulluinnatik qanoq ittuunerannik ilisimannittut.
- Meerarpassuaqarpoq, inuusuttorpassuit ilaqutariippassuaqarlunilu ilungersortunik. Ilaqutariinnik tamakkiisutut isiginninnissarput eqqummaariffigissavarput ilaqutariillu angerlarsimaffimminni toqqissisimasunik sinaakkusiinerannut peqataassaagut, taama oqarpoq Meeqqanut, Inuusuttunut, Ilaqutariinnut Peqqissutsimullu Naalakkersuisoq, Mimi Karlsen.
Peqataasunit alloriarnissap tulliata suunera eqqarsaatigineqarpoq, isumasioqatigiinnissap tulliuttup pinnginnerani najukkami suliffimminni qanoq iliorsinnaanerlutik isumaliutersuutigaat.
Tamanna inuiaqatigiinni toqqammaviulluinnartunut pitsaanersumik atugaqartitsilernissamut ukununnga pingaaruteqarluinnartumik ilapittuutaassaaq: Ilaqutariit.
Nuummi januaarip 9-aniit 11-ata tungaanut isumasioqatigiinnermi peqataasut tassaapput kommunini politikerit, nuna tamakkerlugu politikerit, kommuninit tallimanit sulisut qitiulluinnartut, qitiusumik allaffeqarfik, pisinnaatitaaffiit pillugit sullissiviit, NGO-t, ilisimatusartut, politiit namminerlu piumassuseq malillugu suliniaqatigiiffiit.
Sukumiisumik paasisaqarusukkuit naalakkersuisup allattaa Naja Lynge Petersen e-mailikkut nalp@nanoq.gl imaluunniit oqarasuaatikkut: +299 34 66 41 attavigiuk.