U.S.-Greenland Qarasaasiatigut / Hybrid Business Forum

Nunanut Allanut, Inuussutissarsiornermut Niuernermullu Naalakkersuisup Vivian Motzfeldt-ip, ulloq 1. februar 2023 ammassavai U.S. - Greenland Qarasaasiatigut niuernikkut aqqutit - Virtual/Hybrid Business Forum.

Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik

Aaqqissuussinikkut tassuuna katersortinneqassapput inuussutissarsiuteqartut aamma aningaasaliisartut Kalaallit Nunaanneersut aamma USA-meersut, kiisalu atorfillit Namminersorlutik Oqartussaniit amerikkarmiullu pisortani allaffissornikkut ingerlatsiviineersut, oqallisiginiarlugit Kalaallit Nunaata aamma USA-p akornanni niueqatigiinnerup annertusarneqarnissaa.

Aaqqissuussineq ingerlanneqassaaq 1. februar 2023 nal. 13:00 – 16:00 aamma 2. februar 2023 nal. 13:00 – 16:00. Soqutigisaqartut peqataasinnaapput online-iusumik attaveqaatitsigut, imaluunniit Nuummi katersuunnikkut.

Ataatsimiinnissanut pilersaarutit piareersariikkat tamanut saqqummiunneqassapput aaqqissuussinissat aallartinnginnerini.

Peqataanissamut nalunaarnissaq pillugu annertunerusunik paasissutissat link-imi uani atuarneqarsinnaapput:

U.S. - Greenland Business Forum Tickets, Multiple Dates | Eventbrite