AtuartigukNarsarsuarmi Qassiarsunnilu sikumik aserorterineq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Kommune Kujalliup Diskolinellu saaffiginnissuteqarnerisigut, Narsarsuup Qassiarsullu eqqaanni Tunulliarfik sikusimasoq Ineqarnermut Attaveqaasersuutinullu Naalakkersuisoqarfimmut ilisimatitsissutigineqarpoq.
Kujataani ilaasunik angallassinermi, allakkanillu assartuinermi Narsarsuarmut, Narsarsuarmiillu aqqut pinngitsoorneqarsinnaanngilaq. Pingaartumik juulleriartornerani angalasorpassuaqartillugu pingaaruteqarluinnarpoq.
Tamanna tunngavigalugu decembarip 26-ani kiisalu 2023-mi januaarip aappaani Issittumi Sakkutooqarfik angallatinut aqqusiornissaanik Ineqarnermut Attaveqaasersuutinullu Naalakkersuisoqarfiup noqqaavigaa.
Naalakkersuisoqarfiup noqqaassutigisaa akueralugu Issittumi Sakkutooqarfiup nalunaarutigaa, Nunatsinnilu innuttaasunut iluaqutissanngorlugu Issittumi Sakkutooqarfiup sulinerat Namminersorlutik Oqartussat qujamasuutigingaarpaat.
Erseqqissaatigineqassaaq, siku aserorterneqarsimalerpat qamuteralannik, ATV-nik assigisaannillu sikukkut angallattunut siku ulorianarsinnaammat.
Kommune Kujallermut isumaqatigiissutigineqarpoq, sikup aserorterneqarnera pillugu kommunimi attaveqarfiit aqqutigalugit ilisimatitsissutigineqassasoq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attavigineqassaaq uunga box909@nanoq.gl