AtuartigukKiffartuussinissamik isumaqatigiissut kalaalliniileqqippoq
Nassiussisuuvoq: Nunanut Allanut, Inuussutissarsiornermut Niuernermullu Naalakkersuisoqarfik
Amerikamiut silaannakkut sakkutuuisa Pituffimmi kiffartuussinissamik isumaqatigiissut Inuksuk A/S-mut, Permagreen A/S-mit aamma Vectrus A/S-mit pigineqartumut tunigaat Amerikamiut Københavnimi Aallartitaqarfiata nalunaarutigaa. Inuksuk A/S Nuummi qullersaqarfeqarpoq.
Taamaalilluni Pituffimmi kiffartuussinissamik isumaqatigiissut 2020-mi ataatsimoorussamik aaqqiissuteqarneq naapertorlugu tuniunneqarpoq.
”Juullilernerani tusagaq nuannerpoq. Pituffik pillugu isumaqatigiinngissutsip aaqqiiviginera naammagisimaarnartoq USA-mik suleqateqarnitsinnut aalajangiisuuvoq. Ataatsimoorussamik aaqqiissuteqarnermik tamanit naammagisimaartitsisumik qulakkeerinninnerput tulluusimaarutigaara.”, Nunanut Allanut, Inuussutissarsiornermut Niuernermullu Naalakkersuisoq, Vivian Motzfeldt, oqarpoq.
Pituffimmi kiffartuussinissamik isumaqatigiissutip sulissutigineqarnera 2020-milu isumaqatigiissutaasut malitseqarnissaat Naalakkersuisut, danskit naalakkersuisui peqatigalugit nakkutigissavaat. Isumaqatigiissutip atuunnerani sulisut kalaallit amerlinissaat, inuusuttunut inersimasunullu ilinniartunut pilerinarsarnissaa isumaqatigiissummi piumasaqaatigineqarpoq. Tamanna ataatsimiititaliami atajuartumi (Permanent Committee-mi) suliarineqassaaq. Taanna ukiumut ataasiarluni ataatsimiittarpoq. Ataatsimiinnissap tullia Kalaallit Nunaanni 2023-mi upernassami pinissaa naatsorsuutigineqarpoq.
Oktobarip 28-anni 2020-mi Kalaallit Nunaat, USA aamma Danmarki kiffartuussinissamik isumaqatigiissummik isumaqatigiinnginnermut ataatsimoorussamik aaqqiissuteqarnissamik isumaqatigiipput. Tassani neqeroortitsisarnissamut piumasaqaatinik tunniussisarnissamullu piumasaqaatinik allattorsimasuutinik avitseqatigiinnermik ilaqarpoq. Ataatsimoorussamik Suleqatigiinnissamut Pilersaarummik aamma atsiortoqarpoq, taannalu ukiuni kingullerni marlunni Kalaallit Nunaata USA-llu suleqatigiinnerunerannut tunngaviliisuulluni.
Attaveqaat: Allaffimmi pisortaagallartoq Karsten Peter Jensen, Tlf.: 34 51 22, Mail: kpje@nanoq,gl
Taamaalilluni Pituffimmi kiffartuussinissamik isumaqatigiissut 2020-mi ataatsimoorussamik aaqqiissuteqarneq naapertorlugu tuniunneqarpoq.
”Juullilernerani tusagaq nuannerpoq. Pituffik pillugu isumaqatigiinngissutsip aaqqiiviginera naammagisimaarnartoq USA-mik suleqateqarnitsinnut aalajangiisuuvoq. Ataatsimoorussamik aaqqiissuteqarnermik tamanit naammagisimaartitsisumik qulakkeerinninnerput tulluusimaarutigaara.”, Nunanut Allanut, Inuussutissarsiornermut Niuernermullu Naalakkersuisoq, Vivian Motzfeldt, oqarpoq.
Pituffimmi kiffartuussinissamik isumaqatigiissutip sulissutigineqarnera 2020-milu isumaqatigiissutaasut malitseqarnissaat Naalakkersuisut, danskit naalakkersuisui peqatigalugit nakkutigissavaat. Isumaqatigiissutip atuunnerani sulisut kalaallit amerlinissaat, inuusuttunut inersimasunullu ilinniartunut pilerinarsarnissaa isumaqatigiissummi piumasaqaatigineqarpoq. Tamanna ataatsimiititaliami atajuartumi (Permanent Committee-mi) suliarineqassaaq. Taanna ukiumut ataasiarluni ataatsimiittarpoq. Ataatsimiinnissap tullia Kalaallit Nunaanni 2023-mi upernassami pinissaa naatsorsuutigineqarpoq.
Oktobarip 28-anni 2020-mi Kalaallit Nunaat, USA aamma Danmarki kiffartuussinissamik isumaqatigiissummik isumaqatigiinnginnermut ataatsimoorussamik aaqqiissuteqarnissamik isumaqatigiipput. Tassani neqeroortitsisarnissamut piumasaqaatinik tunniussisarnissamullu piumasaqaatinik allattorsimasuutinik avitseqatigiinnermik ilaqarpoq. Ataatsimoorussamik Suleqatigiinnissamut Pilersaarummik aamma atsiortoqarpoq, taannalu ukiuni kingullerni marlunni Kalaallit Nunaata USA-llu suleqatigiinnerunerannut tunngaviliisuulluni.
Attaveqaat: Allaffimmi pisortaagallartoq Karsten Peter Jensen, Tlf.: 34 51 22, Mail: kpje@nanoq,gl