Aalisarnermik nakkutilliineq pillugu nalunaarut nutartigaq atulissaaq

Aalisarnermut Piniarnermullu Naalakkersuisoq, inuussutissarsiortut, kattuffiit aamma soqutigisaqaqatigiit ataatsimeeqatigisareerlugit aalajangerpoq aalisarnermik nakkutilliineq pillugu nalunaarut nutarterisoqassasoq.
Aalisarnermik nakkutilliineq pillugu Namminersorlutik Oqartussat nalunaarutaat nr. 23, 22. juni 2021-meersoq nutartigaq januaarip aallaqqaataani 2023-mi atulertussaq, atuutereersumit ukunannga allannguuteqarpoq.

• IUU-mik aalisarnerit pillugit erseqqissarneqarput. IUU isumaqarpoq unioqqutitsilluni, nalunaarutiginnittarani aamma killilersugaanngitsumik aalisarneq.
• Aalisariummi nammineerluni tunisassiorneq pillugu nassuiarneqarpoq.
• Aalisariutit 15 meterinit 17 meterinut angissusillit ERS-imik atortoqartarnissaat siunissami atorunnaarsinneqarpoq.
• Inuussutissarsiuteqartut periarfissaqarput pisaminnik nalunaaruteqartillutik aqaguani kingusinnerpaamik nalunaaqutaq 12:00 UTC allanngortitsisinnaapput.
• Bilagiortoqarpoq, tassani nakkutilliisut suleriaasiat allaaserineqarluni.
• Pisarineqartartut erseqqissarneqarput. Aalisariutini 100 procentimik tunisisussaatitaasut tulaassaat tamakkiisut malillugit pisassiissutinik ilanngaaffigineqartarnerat erseqqissarneqarpoq, akerlianik aalisariutit ilaannakortumik tunisisinnaatitaasut imaluunniit tunisisinnaatitaanngitsut pisassiissutaat aalisariutip allattaavia malillugu ilanngarneqartassasut.

 LINK Nalunaarut nutartigaq

Attavigineqarsinnaavoq Aalisarnermut Piniarnermullu Naalakkersuisoqarfimmi immikkoortortami pisortaq, Emanuel Rosing. E-mail: amanuel@nanoq.gl