AtuartigukNaalakkersuisut Kullorsuarmi umiarsualivimmi atortut pitsanngorsarneqarnissaat qulakkeerpaat
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ineqarnermut Attaveqaasersuutinullu Naalakkersuisup assut nuannaarutigalugu nalunaarutigissavaa, Kullorsuarmi umiarsualiviup pitsanngorsarneqarnissaanut suliassamut aningaasaliisoqarnissaanik Naalakkersuisut qinnuteqaataat Inatsisartut Aningaasaqarnermut Akileraartarnermullu Ataatsimiititaliaannit maanna akuerineqarmat.
Taamaasilluni Kullorsuarmi umiarsulivik pilersaarusiorneqartussanngorpoq 2023-milu naammassineqassalluni.
Paasinarsivoq nunaqarfimmi umiarsualiviup pitsanngorsarneqarnissaa pisiaqartinneqartoq, tassungalu ilanngullugu anorersuartillugu sapusiamik pilersitsisinnaaneq suliarineqarnissaa akitigut qulaajaaffigineqassasoq, taavalu usingiaanermi oqquiffissaqarnissap qulakkeerneqarnissaa pisariaqarqarmat. Minnerunngitsumik Kullorsuarmi aalisartunut piniartunullu.
Ataatsimiititaliap akuersineratigut umiarsualiviup pitsanngorsarnissaa allilerneqarnissaalu pilersaarusiorneqalissaaq, taamaalillunilu pituttortarfik pioreersoq talittarfimmut pioreersumut atasunngorlugu. Talittarfimmik allilerineq ataatsimoortitsilernerlu pitsanngorsaanissamik siunertaqarpoq.
Tamatuma saniatigut talittarfik ilallugu nunaqarfimmi innuttaasut umiatsiaannut oqqisimaarfissamik sapusiortoqarsinnaanersoq qulaajaaffigineqassaaq. Aamma suliassamut ikaartarfiup pramminut usingiaasarfiup pioreersup iluarsaanneqarnissaa ilaatinneqarluni, ikaartarfik iluarsaattarialinnik nutaanngilisimasoq aaqqiiviginiarlugu.
Taamaalilluni atortui aammalu sinai meterinik arlalinnik ilaneqassapput, talittarfillu umiarsualivimmik atuisunut, kiisalu Royal Arctic Line-mut iluaqutaasumik allineqassalluni. Sapusiortoqarsinnaasoq paasineqarpat, tamanna aamma umiatsiaararsortunut angallatinullu, pingaartumik anorersuarnerani sikorsuarnullu isumannaannerulersitseqataassaaq.
Ineqarnermut Attaveqaasersuutinullu Naalakkersuisoq oqarpoq:
”Nuannaarutigaara, Kullorsuarmi umiarsualivimmi atortut pitsanngorsarneqarsinnaanissaannut kiisami qanilliallakkatta. Suliassaq nunaqarfimmi innuttaasunut, umiarsualivimmik atuinerminni atoruminassutsimik atorsinnaassutsimillu annertunerusumik misigisaqartussanut pingaaruteqartorujussuuvoq. Ataatsimut isigalugu umiarsualivimmi atortut pitsaasut inuiaqatigiinnut minnerusunut pisariaqarput, taamaattumillu maanna Kullorsuarmi innuttaasut pillugit taamatut alloriartussanngorpugut.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl
Taamaasilluni Kullorsuarmi umiarsulivik pilersaarusiorneqartussanngorpoq 2023-milu naammassineqassalluni.
Paasinarsivoq nunaqarfimmi umiarsualiviup pitsanngorsarneqarnissaa pisiaqartinneqartoq, tassungalu ilanngullugu anorersuartillugu sapusiamik pilersitsisinnaaneq suliarineqarnissaa akitigut qulaajaaffigineqassasoq, taavalu usingiaanermi oqquiffissaqarnissap qulakkeerneqarnissaa pisariaqarqarmat. Minnerunngitsumik Kullorsuarmi aalisartunut piniartunullu.
Ataatsimiititaliap akuersineratigut umiarsualiviup pitsanngorsarnissaa allilerneqarnissaalu pilersaarusiorneqalissaaq, taamaalillunilu pituttortarfik pioreersoq talittarfimmut pioreersumut atasunngorlugu. Talittarfimmik allilerineq ataatsimoortitsilernerlu pitsanngorsaanissamik siunertaqarpoq.
Tamatuma saniatigut talittarfik ilallugu nunaqarfimmi innuttaasut umiatsiaannut oqqisimaarfissamik sapusiortoqarsinnaanersoq qulaajaaffigineqassaaq. Aamma suliassamut ikaartarfiup pramminut usingiaasarfiup pioreersup iluarsaanneqarnissaa ilaatinneqarluni, ikaartarfik iluarsaattarialinnik nutaanngilisimasoq aaqqiiviginiarlugu.
Taamaalilluni atortui aammalu sinai meterinik arlalinnik ilaneqassapput, talittarfillu umiarsualivimmik atuisunut, kiisalu Royal Arctic Line-mut iluaqutaasumik allineqassalluni. Sapusiortoqarsinnaasoq paasineqarpat, tamanna aamma umiatsiaararsortunut angallatinullu, pingaartumik anorersuarnerani sikorsuarnullu isumannaannerulersitseqataassaaq.
Ineqarnermut Attaveqaasersuutinullu Naalakkersuisoq oqarpoq:
”Nuannaarutigaara, Kullorsuarmi umiarsualivimmi atortut pitsanngorsarneqarsinnaanissaannut kiisami qanilliallakkatta. Suliassaq nunaqarfimmi innuttaasunut, umiarsualivimmik atuinerminni atoruminassutsimik atorsinnaassutsimillu annertunerusumik misigisaqartussanut pingaaruteqartorujussuuvoq. Ataatsimut isigalugu umiarsualivimmi atortut pitsaasut inuiaqatigiinnut minnerusunut pisariaqarput, taamaattumillu maanna Kullorsuarmi innuttaasut pillugit taamatut alloriartussanngorpugut.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attaveqarfigineqassaaq, uunga box909@nanoq.gl