AtuartigukNaalakkersuisoq Erik Jensen Air Greenlandimiit aaqqiissutissatut siunnersuummik tigusaqarpoq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Ukioq 2022 angallannermi ukiuuvoq ajorluinnartoq. Ukioq manna silarluttorujussuusimavoq, tamatumalu peqatigisaanik pingaartumik qulimiguulinnik timmisartuussinerni teknikkikkut ajornartorsiutit amerlasimapput.
Tamanna pissutigalugu innuttaasorpassuit, qulimiguullit ingerlanerini piffissamik eqquisinnaannginnernik misigisaqarsimasut kipiluttunartorsiormata Naalakkersuisunit paasilluarneqarpoq. Ineqarnermut Attaveqaasersuutinullu Naalakkersuisup Erik Jensenip ineriartorneq malinnaaffigilluarpaa.
Ineqarnermut Attaveqaasersuutinullu Naalakkersuisup siusinnerusukkut Air Greenland A/S-ip pisortaanera Jacob Nitter Sørensen ataatsimeeqatigisaqattaarpaa, aammalu ataasinngornermi 18. decembarimi ataatsimeeqatigeqqinnerani ajornartorsiut aaqqiissutaasinnaasullu oqaluuseraat.
Ineqarnermut Attaveqaasersuutinullu Naalakkersuisoq Erik Jensen tamatumunnga atatillugu oqarpoq:
”Uagut aamma nunatsinni qulimiguullit sullissineranni piffissamik eqquinnginnerujussuaq iluarinngilarput. Taamaattumittaaq aamma ataasinngormat oqaloqatigiinnerput, aaqqiissutissanut siunnersuutinik arlalinnik saqqummiussiffiusoq nuannaarutigaarput”, nangipporlu:
”Sila iliuuseqarfigisinnaanngilarput, kisiannili teknikki peqqutigalugu piffissamik eqquinngittarnerit sapinngisamik annertunerpaamik annikillisartariaqarpagut. Tamanna pissutigalugu nuannaarutigaarput, Air Greenlandimit tamanna aamma aallunniarneqarmat. Kiisalu pingaartipparput, Air Greenlandimiit attaveqaqatigiinneq salliutinneqarmat, aammalu ajoqutaasoq aaqqiissutissallu suut atorniarneqarnersut aammalu sooq taamaaliortoqarnersoq angalasunut nassuiaatigineqartarmat.”
Ataatsimiinnermi isumaqatigiissutigineqarpoq, piffissaq eqqorlugu timmisartuussisoqartussaagaluarpat, aammalu piffissamik eqquisinnaajunnaartoqartillugu Air Greenlandip kiffartuussinini paasissutissiisarninilu pitsaasoq ingerlatiinnassagaa.
Ataatsimiinnermi aaqqiissutissat assigiinngitsut, ajornartorsiutinut iluaqutaasinnaasut saqqummiunneqarput, taakkununngalu sumiiffinni arlalinni mittarfinni ataasiakkaani kingoraartissaasivinnik annertusaasoqassaaq, tamannalu piffissamik iluarsaassiffiusumik sivikillisitsingaatsiassaaq.
Air Greenlandimi pisortaaneq Jacob Nitter Sørensen imatut oqaaseqarpoq:
”Taamaatitsisoqartillugu tamanna angalasunut kipiluttunartorsiortitsisarmat paasilluarpara. Nuanniittaqaaq, aammalu sulisugut ajornartorsiutinik aaqqiisinnaaniarlutik sapinngisaminnik sulisarput. Maanna qulimiguullit nutaat ilisarisimallualereerpagut, aammalu Europami mittarfinniit kingoraartissanik tikisitsiniartarnerup ajornartorsiorfiungaatsiartarnera ilisimallualereerlugu.”
Jacob Nitter Sørensen nangippoq:
”Qujanartumik ukiut matuma siuliani teknikkikkut ajornartorsiutit pisartut ikilingaatsiartut misigaarput, kisiannili ajoraluartumik suli kingoraartissanik tikisitsiniartarnerup sivisunera malugisarparput. Taamaattumik ingerlasussanik piareersaasarnerup aaqqissuussisarnerullu tassunga tunngasortaa nukittorsaaffiginiarlugu nukigut tamaasa atorpagut.”
Naggasiutigalugu Jacob Nitter Sørensen ilisimatitsivoq, qulimiguulimmik sillimmataasussamik, 2023-mi upernaakkut ingerlalersussamik pisisoqartoq.
Air Greenlandimiit pissutsit pillugit Naalakkersuisoqarfik ingerlaavartumik ilisimatinneqartassaaq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik box909@nanoq.gl aqqutigalugu attaveqarfigineqassaaq.
Tamanna pissutigalugu innuttaasorpassuit, qulimiguullit ingerlanerini piffissamik eqquisinnaannginnernik misigisaqarsimasut kipiluttunartorsiormata Naalakkersuisunit paasilluarneqarpoq. Ineqarnermut Attaveqaasersuutinullu Naalakkersuisup Erik Jensenip ineriartorneq malinnaaffigilluarpaa.
Ineqarnermut Attaveqaasersuutinullu Naalakkersuisup siusinnerusukkut Air Greenland A/S-ip pisortaanera Jacob Nitter Sørensen ataatsimeeqatigisaqattaarpaa, aammalu ataasinngornermi 18. decembarimi ataatsimeeqatigeqqinnerani ajornartorsiut aaqqiissutaasinnaasullu oqaluuseraat.
Ineqarnermut Attaveqaasersuutinullu Naalakkersuisoq Erik Jensen tamatumunnga atatillugu oqarpoq:
”Uagut aamma nunatsinni qulimiguullit sullissineranni piffissamik eqquinnginnerujussuaq iluarinngilarput. Taamaattumittaaq aamma ataasinngormat oqaloqatigiinnerput, aaqqiissutissanut siunnersuutinik arlalinnik saqqummiussiffiusoq nuannaarutigaarput”, nangipporlu:
”Sila iliuuseqarfigisinnaanngilarput, kisiannili teknikki peqqutigalugu piffissamik eqquinngittarnerit sapinngisamik annertunerpaamik annikillisartariaqarpagut. Tamanna pissutigalugu nuannaarutigaarput, Air Greenlandimit tamanna aamma aallunniarneqarmat. Kiisalu pingaartipparput, Air Greenlandimiit attaveqaqatigiinneq salliutinneqarmat, aammalu ajoqutaasoq aaqqiissutissallu suut atorniarneqarnersut aammalu sooq taamaaliortoqarnersoq angalasunut nassuiaatigineqartarmat.”
Ataatsimiinnermi isumaqatigiissutigineqarpoq, piffissaq eqqorlugu timmisartuussisoqartussaagaluarpat, aammalu piffissamik eqquisinnaajunnaartoqartillugu Air Greenlandip kiffartuussinini paasissutissiisarninilu pitsaasoq ingerlatiinnassagaa.
Ataatsimiinnermi aaqqiissutissat assigiinngitsut, ajornartorsiutinut iluaqutaasinnaasut saqqummiunneqarput, taakkununngalu sumiiffinni arlalinni mittarfinni ataasiakkaani kingoraartissaasivinnik annertusaasoqassaaq, tamannalu piffissamik iluarsaassiffiusumik sivikillisitsingaatsiassaaq.
Air Greenlandimi pisortaaneq Jacob Nitter Sørensen imatut oqaaseqarpoq:
”Taamaatitsisoqartillugu tamanna angalasunut kipiluttunartorsiortitsisarmat paasilluarpara. Nuanniittaqaaq, aammalu sulisugut ajornartorsiutinik aaqqiisinnaaniarlutik sapinngisaminnik sulisarput. Maanna qulimiguullit nutaat ilisarisimallualereerpagut, aammalu Europami mittarfinniit kingoraartissanik tikisitsiniartarnerup ajornartorsiorfiungaatsiartarnera ilisimallualereerlugu.”
Jacob Nitter Sørensen nangippoq:
”Qujanartumik ukiut matuma siuliani teknikkikkut ajornartorsiutit pisartut ikilingaatsiartut misigaarput, kisiannili ajoraluartumik suli kingoraartissanik tikisitsiniartarnerup sivisunera malugisarparput. Taamaattumik ingerlasussanik piareersaasarnerup aaqqissuussisarnerullu tassunga tunngasortaa nukittorsaaffiginiarlugu nukigut tamaasa atorpagut.”
Naggasiutigalugu Jacob Nitter Sørensen ilisimatitsivoq, qulimiguulimmik sillimmataasussamik, 2023-mi upernaakkut ingerlalersussamik pisisoqartoq.
Air Greenlandimiit pissutsit pillugit Naalakkersuisoqarfik ingerlaavartumik ilisimatinneqartassaaq.
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik box909@nanoq.gl aqqutigalugu attaveqarfigineqassaaq.