AtuartigukKommuneqarfik Sermersuup taarsigassarsinissamik qinnuteqaataa Naalakkersuisut akueraat
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Kommuneqarfik Sermersuup taarsigassarsinissaminut qinnuteqaataa Naalakkersuisut ulloq 15. december 2022 akueraat.
Kommuneqarfik Sermersooq Nuuk City Developmentimi (NCD) akiitsorineqartut akilerneqarnissaannut katillugit 1,25 mia. kr.-nik, kiisalu sanaartukkat naammassineqanngitsut sanaartugassallu nutaat aningaasalersornissaannut taarsigassarsisinnaanermut akuersissummik qinnuteqarpoq.
Qinnuteqaat akuerineqarpoq, qinnuteqaammimi missingersuutinut inatsimmi piumasaqaatit naammassineqarput, kommunillu taarsigassarsiat utertillugit akilerneqarsinnaanerat nassuiaateqarfigaa.
Missingersuutinut inatsit Naalakkersuisunut akuersinermut atatillugu piumasaqaateqarsinnaanermik periarfissiivoq. Piumasaqaatit taakku taamaallaat taarsigassarsiamut tunngasussaapput, assersuutigalugulu siunissami kommunip aningaasaqarnerminik aqutsineranik missingersuusiortarneranullu tunngasinnaallutik.
Taamaammat Naalakkersuisut akuersissutiminnut atatillugu Iserit A/S-p NCD-llu kattutsinneqarnerannut atatillugu attartortut aningaasartuuteqarnerunermik eqqorneqannginnissaat piumasaqaatigaat. Peqatigisaanik kommunit suliffeqarfiutaannut piumasaqaatinik kommuni Naalakkersuisunit eqqaasinneqarpoq. Tamakku saniatigut Naalakkersuisut kommunimik nakkutilliinertik annertusivaat, siunissamilu qaammatit pingasukkaarlugit kommunip aningaasaqarneranik missingersuutiminillu aqutsineranik nakkutilliisassalluni.
Aningaasaqarnermut Naligiissitaanermullu Naalakkersuisoq Naaja H. Nathanielsen, ima oqaaseqarpoq:
”Taarsigassarsinissamik qinnuteqaatip tunngavilersorluarneqarsimanera missingersuutinullu inatsimmi piumasaqaatinik naammassinninnera Naalakkersuisut taamaallaat isummerfigisussaavaat. Naammassinnipporlu, taamaammallu kommuni akuerineqarpoq. Taamaammat Kommuneqarfik Sermersooq ineqarnermi sanaatornermilu immikkoortuni allaffissornermi saliinermik suliaminik nangitsisinnaavoq. Taakku taareerlugit Naalakkersuisut suliamik matuminnga nalaataqarusussimanngikkaluarnertik oqaatigiumavaat. Taarsigassarsiniarnermut qinnuteqaammut patsisaarpiartoq Naalakkersuisut arajutsisimanngilaat. Kommunip aningaasaliinikkut akuunerata taarsigassarsisariaqalernermik pisariaqartitsilernera naammaginanngitsorujussuartut isigaarput. Pissutsit maanna aaqqinneqarnissaat Naalakkersuisut naatsorsuutigilluinnarpaat. Kommunip innuttaasa sapinngisamik annikinnerpaamik sunnerneqarnissaat Naalakkersuisut pingaartissimavaat, ingammik sanaartukkani pineqartuni attartortut”.
Nakkutilliisoqarfik ingerlatsinermik kukkunersiuinerminut, Kommuneqarfik Sermersuup illoqarfimmik ineriartornermik ingerlatseqatigiiffiani NCD-mi kukkunernik amigaatinillu ersersitsisumut atatillugu kaammattuutinik arlalinnik Naalakkersuisunut saqqummiussivoq. Aningaasaqarnermut Naligiissitaanermullu Naalakkersuisoqarfiup missingersuutinut inatsimmi aalajangersakkanik unioqqutitsisoqarsimaneranik nalilersuissasoq kaammattuutit ilagaat. Suliaq tamanna decembarip aallartinnerani naammassineqarpoq, tamannalu Aningaasaqarnermut Naligiissitaanermullu Naalakkersuisoqarfiup Kommuneqarfik Sermersuup isornarluinnartumik pissusilersorlunilu Missingersuutinut inatsimmi aalajangersakkanik unioqqutitsisimaneranut sakkortuumik avoqqaarliuteqarneranik pissutissaqalersitsivoq. Peqatigisaanik Aningaasaqarnermut Naligiissitaanermullu Naalakkersuisoqarfiup kommunalbestyrelsimi ilaasortap ataatsip arlallilluunniit ilaasortatut inatsisinik malinninnissamik pisussaaffimminnik sakkortuumik sumiginnaasimasutut suliassanngortitsisinnaanermik naliliinissamik Nakkutilliisoqarfik qinnuigaa. Nakkutilliisoqarfiup Naalakkersuisunut kaammattuutai tamakkerlugit naammassineqarpata, Naalakkersuisut ataatsimut inerniliussamik inassuteqaammillu imaqartumik Nakkutilliisoqarfimmut saaffiginnissuteqaqqissapput.
Tamatumunnga atatillugu erseqqissaatigineqassaaq, Nakkutilliisoqarfik suliamini Inatsisartunut aamma Naalakkersuisunut attuumassuteqanngimmat, taamaammallu Nakkutilliisoqarfiup suliami qanoq pisoqassanersoq nammineq aalajangissavaa.
Attaveqarfissaq: Nikolai S. Christensen Toqq/direkte 346675 nsch@nanoq.gl
Kommuneqarfik Sermersooq Nuuk City Developmentimi (NCD) akiitsorineqartut akilerneqarnissaannut katillugit 1,25 mia. kr.-nik, kiisalu sanaartukkat naammassineqanngitsut sanaartugassallu nutaat aningaasalersornissaannut taarsigassarsisinnaanermut akuersissummik qinnuteqarpoq.
Qinnuteqaat akuerineqarpoq, qinnuteqaammimi missingersuutinut inatsimmi piumasaqaatit naammassineqarput, kommunillu taarsigassarsiat utertillugit akilerneqarsinnaanerat nassuiaateqarfigaa.
Missingersuutinut inatsit Naalakkersuisunut akuersinermut atatillugu piumasaqaateqarsinnaanermik periarfissiivoq. Piumasaqaatit taakku taamaallaat taarsigassarsiamut tunngasussaapput, assersuutigalugulu siunissami kommunip aningaasaqarnerminik aqutsineranik missingersuusiortarneranullu tunngasinnaallutik.
Taamaammat Naalakkersuisut akuersissutiminnut atatillugu Iserit A/S-p NCD-llu kattutsinneqarnerannut atatillugu attartortut aningaasartuuteqarnerunermik eqqorneqannginnissaat piumasaqaatigaat. Peqatigisaanik kommunit suliffeqarfiutaannut piumasaqaatinik kommuni Naalakkersuisunit eqqaasinneqarpoq. Tamakku saniatigut Naalakkersuisut kommunimik nakkutilliinertik annertusivaat, siunissamilu qaammatit pingasukkaarlugit kommunip aningaasaqarneranik missingersuutiminillu aqutsineranik nakkutilliisassalluni.
Aningaasaqarnermut Naligiissitaanermullu Naalakkersuisoq Naaja H. Nathanielsen, ima oqaaseqarpoq:
”Taarsigassarsinissamik qinnuteqaatip tunngavilersorluarneqarsimanera missingersuutinullu inatsimmi piumasaqaatinik naammassinninnera Naalakkersuisut taamaallaat isummerfigisussaavaat. Naammassinnipporlu, taamaammallu kommuni akuerineqarpoq. Taamaammat Kommuneqarfik Sermersooq ineqarnermi sanaatornermilu immikkoortuni allaffissornermi saliinermik suliaminik nangitsisinnaavoq. Taakku taareerlugit Naalakkersuisut suliamik matuminnga nalaataqarusussimanngikkaluarnertik oqaatigiumavaat. Taarsigassarsiniarnermut qinnuteqaammut patsisaarpiartoq Naalakkersuisut arajutsisimanngilaat. Kommunip aningaasaliinikkut akuunerata taarsigassarsisariaqalernermik pisariaqartitsilernera naammaginanngitsorujussuartut isigaarput. Pissutsit maanna aaqqinneqarnissaat Naalakkersuisut naatsorsuutigilluinnarpaat. Kommunip innuttaasa sapinngisamik annikinnerpaamik sunnerneqarnissaat Naalakkersuisut pingaartissimavaat, ingammik sanaartukkani pineqartuni attartortut”.
Nakkutilliisoqarfik ingerlatsinermik kukkunersiuinerminut, Kommuneqarfik Sermersuup illoqarfimmik ineriartornermik ingerlatseqatigiiffiani NCD-mi kukkunernik amigaatinillu ersersitsisumut atatillugu kaammattuutinik arlalinnik Naalakkersuisunut saqqummiussivoq. Aningaasaqarnermut Naligiissitaanermullu Naalakkersuisoqarfiup missingersuutinut inatsimmi aalajangersakkanik unioqqutitsisoqarsimaneranik nalilersuissasoq kaammattuutit ilagaat. Suliaq tamanna decembarip aallartinnerani naammassineqarpoq, tamannalu Aningaasaqarnermut Naligiissitaanermullu Naalakkersuisoqarfiup Kommuneqarfik Sermersuup isornarluinnartumik pissusilersorlunilu Missingersuutinut inatsimmi aalajangersakkanik unioqqutitsisimaneranut sakkortuumik avoqqaarliuteqarneranik pissutissaqalersitsivoq. Peqatigisaanik Aningaasaqarnermut Naligiissitaanermullu Naalakkersuisoqarfiup kommunalbestyrelsimi ilaasortap ataatsip arlallilluunniit ilaasortatut inatsisinik malinninnissamik pisussaaffimminnik sakkortuumik sumiginnaasimasutut suliassanngortitsisinnaanermik naliliinissamik Nakkutilliisoqarfik qinnuigaa. Nakkutilliisoqarfiup Naalakkersuisunut kaammattuutai tamakkerlugit naammassineqarpata, Naalakkersuisut ataatsimut inerniliussamik inassuteqaammillu imaqartumik Nakkutilliisoqarfimmut saaffiginnissuteqaqqissapput.
Tamatumunnga atatillugu erseqqissaatigineqassaaq, Nakkutilliisoqarfik suliamini Inatsisartunut aamma Naalakkersuisunut attuumassuteqanngimmat, taamaammallu Nakkutilliisoqarfiup suliami qanoq pisoqassanersoq nammineq aalajangissavaa.
Attaveqarfissaq: Nikolai S. Christensen Toqq/direkte 346675 nsch@nanoq.gl