AtuartigukAqutsiveqarfimmi 47-mi qaleralinniarnissamut akuersissutinik tunniussisoqaqqilissaaq
Nassiussisuuvoq: Aalisarnermut Piniarnermullu Naalakkersuisoqarfik
Aqutsiveqarfimmi 47-mi qaleralinniarnissamut akuersissutinik januaarip aallaqqaataani 2023-mi tunniussisoqaqqissinnaalissaaq.
Upernaviup aqutsiveqarfiani aalajangersimasumik najugaqarlutik qinnuteqartut minillugit aqutsiveqarfimmi 47-mi, erseqqinnerusumik Qeqertarsuup Tunuani aamma Uummannami umiatsiaararsorluni qaleralinniartussanut nutaanut akuersissuteqartarneq novembarip 15-ianni 2019-imi unitsinneqarpoq.
Unitsitsineq januaarip aallaqqaataani 2023-mi atorunnaassaaq taamaasillunilu aqutsiveqarfimmi 47-mi qaleralinniarnissamut qinnuteqartut nutaat aalisarnermut akuersissutit pisassiissutillu pillugit nalunaarummi piumasaqaataasunik naammassinnissimasut akuersissummik tunineqaqqissinnaalissapput.
Qaleralinniarnissamut akuersissummik qinnuteqarnissamut ilitsersuutit uani atuarsinnaavatit: sullissivik.gl
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: aalisa@nanoq.gl