AtuartigukQeqertarsuup Tunuani umiatsiaararsortut qaleralittassaat aaqqivigineqarput
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisup aqutsiveqarfimmi Qeqertarsuup Tunuani umiatsiaararsortunut kvartalimut, qaammatit pingasunut, pisassiissutaasartut decembarip 16-ianni 2022-mi naleqqussaavigai, kvartalit sisamassaannut pisassiissutit nungulermata. Taamaalilluni aalisarneq ingerlaannassaaq.
Kvartalit sisamassaannut naleqqussaanermi aalisariutit, 6 meterinik anginerit pisassaannit 250 tonsit pisassanngortinneqarput, taakku pisassiissutinik 2021-mi aalisarneqarsimanngitsunit nuunneqarput.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl