Toqukkut qimaguttunik angerlaassinerit

Napparsimasut toqukkut qimagussimasut illerfiisa assartornissaannut aningaasanut inatsimmi 1,8 mio. kr.-nik immikkoortitsisoqarpoq.

”Ilaqutariinni qanigisaq toqukkut qimagukkaangat annertuumik aliasuttoqartarpoq. Taamatuttaaq ilaqutariinni qanigisamik angerlarsimaffimminit ungasissumik toqukkut qimagukkaangat alianartarpoq. Toqukkut qimagussimasut illerfiisa assartornissaannut aningaasanik immikkoortitsisoqarneratigut napparsimasut toqukkut qimagussimasut angerlaanneqarsinnaanissaat qulakkeerparput", Meeqqanut, Inuusuttunut, Ilaqutariinnut Peqqissutsimullu Naalakkersuisoq Mimi Karlsen oqarpoq.

Aningaasat pineqartut 1,8 mio. kr.-usut napparsimasimasut illoqarfigisami avataanni katsorsarneqartussanngorlugit peqqinnissaqarfimmit innersuunneqarsimasut toqukkut qimagunneranni timaannik illerfimmik assartuinermut, tassunga ilanngullugu Danmarkimiit Kalaallit Nunaannut assartuinermut atorneqassapput. Siunertaavoq toqukkut qimaguteqqammertoq piaartumik angerlaanneqarnissaanut ilineqarnissaannullu qulakkeerinninneq.

Nunatsinni toqukkut qimaguttoq illoqarfimmit allamit ilivernut ikillugit angerlaanneqartarput. Qimagaasut toqqagaat aamma periarfissaat apeqqutaalluni, Danmarkimi toqukkut qimagussimasut qummuattamut ilivermulluunniit ikillugit angerlaallugit assartorneqartarput.

Sukumiisumik paasisaqarusukkuit naalakkersuisup allattaa Frederik Kristiansen e-mailikkut frek@nanoq.gl imaluunniit oqarasuaatikkut: +299 345000 attavigiuk