EU-p 2023-mi aalisarnissamut periarfissai pillugit isumaqatiginniarnerit naammassipput

Aalisarnermut Piniarnermullu Naalakkersuisoqarfiup EU-mik imartatsinni 2023-mi aalisarsinnaasai pillugit ukiumoortumik isumaqatiginninniarnini naammassivaa.

Atorfilittat Bruxellesimi novembarip 23-anni 24-annilu 2022-mi isumaqatiginninniartuup-put. Nunatsinni aallartitat tassaapput Aalisarnermut Piniarnermullu Naalakkersuisoqar-fik, KANUAANA, Pinngortitaleriffik, Aningaasaqarnermut Naligiissitaanermullu Naalakkersuisoqarfik. Kalaallit Nunaata Bruxellesimi sinniisoqarfia aamma nunatsinni aalisarnermik inuussutissarsiuteqartut.

Isumaqatigiissut tunngavigalugu EU imartatsinni 2023-mi aalisassaaq
Aalisarnissamut periarfissat aalajangersarneqarput Aalisarnissamut Isumaqatigiissummut Ilassummi aalisarneqarsinnaasutut innersuunneqartut tunngavigalugit (takuuk tabeli).

EU-p suluppaakkat aalisarsinnaasai 310 tonsinik ikilineqarput, ilisimatuussutsikkut siun-nersuineq tunngavigalugu, ilisimatuut nalunaarmata Tunumi suluppaakkat ikiliartortut. Kitaani Tunumilu imminnguit aalisagartassiissutigineqartut katillugit 20 tonsinik ikilineqarput. Kitaani qaleralittassat aamma ikilineqarput, 2023-mi qaleralittassatut siunnersuu-tigineqartut aamma ikilineqarmata. Taamaattoq EU Tunumi amerlanerusunik qaleralit-tassaanik raajartassaanillu neqeroorfigineqarpoq pisassaata ikilinerinut taarsiullugit.

Nunatta 2022/2023-mi ammassattassai 32.760 tonsiupput, nunattalu EU ammassannik 7,7 procentit angullugit pisassittussaavaa, takuuk Aalisarnermut Isumaqatigiissummut Ilassut. Imaluunniit Kalaallit Nunaata pisassaata ikinnerpaamik 25.000 tonsit pereernerisigut pisassanit sinnerussimasinnaasunit.

EU-p 7.760 tonsit neqeroorutigineqartut aalisarumavai. Pisassiissutigineqartulli aatsaat akuersissutigineqassapput 2022/2023-mi aalisarnissaq pillugu siunnersuisoqareerpat, tamannalu januaarimi/februaarimi 2023-mi pissaaq.

Taamaalilluni isumaqatigiissummi pisassiissutigineqartut ilaat ikilineqaraluartut taamaattoq naatsorsuutigineqarpoq Landkarsimut aningaasat naatsorsuutigisamit 98,5 million koruunit isertitsissutaanerunissaat. Aalisakkanut akiliutigineqartut akitsorsin-naapput EU ammassassuarnik kingusinnerusukkut tamakkiisumik pisassinneqarpat. Aamma naatsorsuutigineqarpoq EU-mi aalisariutaatillit 2023-mut 28 million koruunit missaanni akiliuteqassasut.

Aalisagartassiissutit	Pisassatut innersuussat. Takuuk Aalisarnermut Isumaqatigiissummut Ilassut	EU-p 2023-mi aalisarsinnaasai	Assigiinngissutaat 2023
Aalisagartassiissutit Saarulliit uani ICES V, XII, XIV & NAFO 1F	Pisassatut innersuussat. Takuuk Aalisarnermut Isumaqatigiissummut Ilassut 1.950	EU-p 2023-mi aalisarsinnaasai 1.950	Assigiinngissutaat 2023 -
Aalisagartassiissutit Suluppaakkat ikerinnarsiortut uani V, XII, XIV & NAFO 1F	Pisassatut innersuussat. Takuuk Aalisarnermut Isumaqatigiissummut Ilassut 0	EU-p 2023-mi aalisarsinnaasai 0	Assigiinngissutaat 2023 -
Aalisagartassiissutit Suluppaakkat natersiortut uani ICES XIV & V & NAFO 1F	Pisassatut innersuussat. Takuuk Aalisarnermut Isumaqatigiissummut Ilassut 1.840	EU-p 2023-mi aalisarsinnaasai 1.530	Assigiinngissutaat 2023 - 310
Aalisagartassiissutit Qalerallit uani NAFO 1 –68^O N-p kujataani	Pisassatut innersuussat. Takuuk Aalisarnermut Isumaqatigiissummut Ilassut 2.250	EU-p 2023-mi aalisarsinnaasai 2.025	Assigiinngissutaat 2023 -225
Aalisagartassiissutit Qalerallit uani ICES V, XII & XIV	Pisassatut innersuussat. Takuuk Aalisarnermut Isumaqatigiissummut Ilassut 4.950	EU-p 2023-mi aalisarsinnaasai 5.150	Assigiinngissutaat 2023 + 200
Aalisagartassiissutit Raajat uani NAFO 1	Pisassatut innersuussat. Takuuk Aalisarnermut Isumaqatigiissummut Ilassut 2.600	EU-p 2023-mi aalisarsinnaasai 2.600	Assigiinngissutaat 2023 -
Aalisagartassiissutit Raajat uani ICES XIV & V	Pisassatut innersuussat. Takuuk Aalisarnermut Isumaqatigiissummut Ilassut 4.850	EU-p 2023-mi aalisarsinnaasai 5.000	Assigiinngissutaat 2023 +150
Aalisagartassiissutit Ammassat uani ICES XIV & V	Pisassatut innersuussat. Takuuk Aalisarnermut Isumaqatigiissummut Ilassut 13.000	EU-p 2023-mi aalisarsinnaasai 7.760**	Assigiinngissutaat 2023 -5.240***
Aalisagartassiissutit Imminnguit uani ICES XIV & V	Pisassatut innersuussat. Takuuk Aalisarnermut Isumaqatigiissummut Ilassut 100	EU-p 2023-mi aalisarsinnaasai 100	Assigiinngissutaat 2023 -
Aalisagartassiissutit Imminnguit uani NAFO 1	Pisassatut innersuussat. Takuuk Aalisarnermut Isumaqatigiissummut Ilassut 100	EU-p 2023-mi aalisarsinnaasai 100	Assigiinngissutaat 2023 -
Aalisagartassiissutit Pisarisuukkat	Pisassatut innersuussat. Takuuk Aalisarnermut Isumaqatigiissummut Ilassut 600	EU-p 2023-mi aalisarsinnaasai 600	Assigiinngissutaat 2023 -

* NAFO tassaavoq nunatta Kitaa, ICES tassaalluni Tunu.

** 2022/2023-mi ammassanniarfik (oktobarip 15-iat – apriilip 15-iat), taakku aalajangerneqarput oktobarimi 2022-mi kingullermik siunnersuinermit.

*** Nikingassutaat allanngorsinnaavoq, pisassiissutinut siunnersuineq januaarimi/februaarimi 2023-mi saqqummersinneqariarpat.

Isumaqatigiissutigineqartoq isumaqatiginninniartunut pingaarutilerujussuuvoq. EU-mik isumaqatigiissut Aalisarnermut Piniarnermullu Naalakkersuisumut kingorna saqqummiunneqassaaq akuerineqassallunilu.

Paasisaqarnerusukkuit immikkoortortami pisortaq allaffigisinnaavat, e-mail: katk@nanoq.gl