AtuartigukKukkunersiuinermut ataatsimiititaliap aningaasaqarnermik aqutsinermik isornartorsiuinera
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu NaalakkersuisoqarfikInatsisartut marlunngormat unnukkut landskarsip naatsorsuutai 2021-imut aappassaaneerlugit suliaraat, tassanilu ilaatigut Campus Kujallermi aningaasaqarnikkut aqutsinerup amigaateqarnera annertusisamik isornartorsiorneqarpoq.
Inatsisartut landskarsip 2021-imut naatsorsuutai akuersissutigaat, ilanngullugulu akuersissutigalugu Kukkunersiuinermut Ataatsimiititaliap isornartorsiuinera uanga ataqqillugulu tusaatissatut tigusara.
Ilanngullugu Kukkunersiuinermut Ataatsimiititaliap ilinniarfimmik suleqateqaqqusinera peqatigiilluta naatsorsuuserinikkut aqutsinerup suliarinissaanik akueraara.
Kukkunersiuinermut Ataatsimiititaliap kaammattuuteqarnera Naalakkersuisut aammalu Campus Kujalliup akornanni suleqatigiinnissamut ilumooruppara, taamaattumillu sapinngisamik sukkanerpaamik ilinniarfiup siulersuisuinut attaveqassaanga oqaloqatigiinnermik aallartitsiumallunga, pissutsit matumani pineqartut siunissami uteqqinneqaqqunagit. Qularnaassavarput Namminersorlutik Oqartussat ingerlatsiviisa, matumani aamma Campus Kujalliup aningaasanik aqutsinikkut atugassarititaasut iluanni aaqqissuussisarnissaat.
Pissutsinik peqqissaartumik misissuisoqarnissaa tulliuppoq, taamaattumillu suliassaq aallartereerparput inuussutissarsiornermi ilinniartitaanernut inatsisiliornernik ataatsimut tamakkiisumik nalilersueqqinnissaq, tamatumani aamma aningaasaliissuteqartarnerni malittarisassat aamma Campus Kujalleq.
Pingaaruteqarluinnarpoq Campus Kujallermi aningaasatigut ingerlatsinerup qanimut malinnaavigineqarnissaa, ilinniarfik ilinniarfiullu siulersuisui qanimut suleqatigalugit.
Peter P. Olsen
Annersumik paasisaqarumagaanni attavigineqassaaq naalakkersuisup allattaa Rosa Thorsen ugguuna: rose@nanoq.gl