Nunat Avannarliit Helsinkimi Finlandimiittumi 74-issaannik ataatsimiinneranni Vivian Motzfeldt peqataavoq

Nunanut Allanut, Inuussutissarsiornermut Niuernermullu Naalakkersuisoq Vivian Motzfeldt saniatigut aamma Nunani Avannarlerni suleqatigiinnermut Kalaallit Nunaannit Naalakkersuisuuvoq. Nunani Avannarlerni suleqatigiinnermi ministerit ataatsimiinneranni oqaaseqaateqarnermi nuttarsinnaanerup siuarsarnissaanut kissaateqarnini oqariartuutigaa.
Issittumi suleqatiginnermi suliniut siorna Kalaallit Nunaannit ingerlanneqarpoq. Issittumi suleqatigiinnermi ingerlatsineq pitsaasuuvoq, pingaartumik piffissami matumani Issittumi annertuumik allanngorfiusumi. Pingaartumillu Avannaamioqatigiit Issittoq pillugu immikkut sakkortusisamik ukkatarinnilerneranni.

”Periusissiassami takkuttussami – Nuttarsinnaanerup ukkatarineqarnissaanik sulinerup siuarsarnissaanut Kalaallit Nunaannit kissaateqarpugut. Pingaartumik inuusuttunut issittumi nuttarsinnaanermut suliniutit annertusarnissaanut amigaateqarpugut. Suliniut annertusarneqartariaqarpoq, Issittumi nuttarsinnaanermut suliniuteqalerluta, tamatuminngalu suleqatigiinnermut ministerit tapersersortariaqarpaat.” suleqatigiinnermi ministerit ataatsimiinneranni Vivian Motzfeldt taamak oqaaseqarpoq.

Aammattaaq Nunat Avannarliit Nunanut Allanut ministeriisa aammalu siulittaasoqarfimmi ilaasortat maanna nunanut allanut- isumannaallisaanermullu politikkimi killiffiusoq pillugu oqallinnermi Vivian Motzfeldt peqataavoq, tassungalu tunngatillugu ima oqaaseqarpoq:

”Kammalaativut ilivullu suleqatigalugit Kalaallit Nunaat niuernikkut suleqatigiinnikkullu annertusaanissamik suliaqarpugut. Kimmut sanilitsinnut niuernikkut attaveqalernissap inerisarnissaa pisariaqarpoq, taannalu aqqutigalugu pilersuinermut isumannaatsuunissaq aamma qulakkeersinnaavarput”.

Nunat Avannarliit novemberip aallaqqaataaniit sisamaanut 2022 Helsinkimi 74-issaannik ataatsimiinnertik ingerlappaat, tassanilu Nunani Avannarlernit tamanit politikerit ataatsimoorput. Ataatsimiinneq Nunat Avannarliit qaffasissumik ataatsimiiffigaat, ukiumullu nunani avannarlerni politikkikkut pisoqarfiusoq ataatsimiinnerit annerpaartaralugu. Peqataasunut ilaapput Nunat Avannarliit Siunnersuisooqatigiivini ilaasortat, ministerit arlallit, taakkununnga ilaallutik naalakkersuinikkut aqutsisuusut.

Ukioq manna ataatsimiinnermi Vivian Motzfeldt suleqatigiinnermi ministerit ataatsimiinneranni, Nunat Avannarliit Siunnersuisooqatigiivini siulittaasoqarfimmi, Nunat Avannarliit Killiit ataatsimiinneranni aammalu Nunat Avannarliit nunanut allanut ministeriisa immikkut ataatsimiinnerannut peqataavoq. Nunat Avannarliit Siunnersuisoqatigiivisa siulittaasoqarfianut ministerit arlallit peqataapput, Naalakkersuisoq, Kalistat Lund (IA) peqataavoq, kalaallillu inatsisartuinit peqataasut tassaapput Mariane Paviasen (IA) aamma Doris Jakobsen Jensen (S).

Annertunerusumik paasisaqarusukkuit naalakkersuisup allattaa Arnaruluk Lundblad attavigineqarsinnaavoq uunga e-mail: alun@nanoq.gl