Aarrit ukioq kaajallallugu piniarneqarsinnaanngorput

Aavernik illersuineq piniarnerlu pillugit nalunaarut nutarterneqarpoq, nutarneqartullu arlalissuupput.

Aavernik illersuineq piniarnerlu pillugit Namminersorlutik Oqartussat nalunaarutaat nr. 31, 14. oktobari 2022-meersoq Naalakkersuisunit oktobarip 14-ianni 2022-mi akuersissutigineqartoq kakkiussatut ilanngunneqartoq takuneqarsinnaavoq.

Aavernik illersuineq piniarnerlu pillugit nalunaarut marlussoriarluni tusarniutaavoq, kingullermik piffissami septembarip 28-annit novembarip aappaannut 2021-mi tamanut ammasumik tusarniutigineqarluni.

Nalunaarutip nutarternerani uku pingaarnertut allannguutaapput:

• Aaverneq ukioq kaajallallugu piniartoqarsinnaalerpoq.
• Kalaallit Nunaata Kitaa tamaat, Qaanaaq - Nanortalik, aaverneq piniartoqarsin-naalerpoq.
• Nunami qassimaffiini illersorneqalerput.
• Sumiiffiit ilaanni arnavissat inersimasut eqqissisimatitaajunnaarput.
• Sumiiffiit ilaanni piaqqat kiisalu piaqqat arnavissanik inersimasunik ingiaqateqartut eqqissisimatitaajunnaarput.
• Aqutsiveqarfiit nunap immikkoortuinut zonenut 3-inut aggornilersorneqarput.
• Aaffanniarnermi angallatit uuttuutaat 20 BRT/15 BT-iusoq atorunnaarluni, angallatit takisussaat atorneqalissaaq, angallatip tamakkiisumik takussusaa 15 meteriussalluni.
• Nalunaarutip allanngortinneqarnerani oqaatsit atorneqartut paasiuminarsarneqarput, soorlu aamma teknikimut tunngasut taama pineqarlutik.
  
  

Paasissutissat sukumiinerusut pisariaqartikkaanni attavigineqassaaq:
Immikkoortumi pisortaqAmalie Jessen, Aalisarnermut Piniarnermullu Naalakkersuisoqarfik, oqarasuaat 34 53 04, e-mail:.gl : amalie@nanoq.gl