AtuartigukQeqertarsuatsiaani tuttunniarneq sivitsorneqarpoq
Nassiussisuuvoq: Aalisarnermut Piniarnermullu Naalakkersuisoqarfik
Piniarfik 5-imi Qeqertarsuatsiaani inuussutissarsiutigalugu tuttunniarneq sivitsorneqarpoq
Aalisarnermut Piniarnermullu Naalakkersuisup Karl Tobiassenip Qeqertarsuatsiaani Aalisartut Piniartullu Peqatigiiffianniit sivitsuinissamik qinnuteqaammik tigusaqareerluni aalajangerpoq inuussutissarsiutigalugu piniartut tuttunniarfissaat sivitsorneqassasoq.
Taamaalilluni piniarfik 5-imi Qeqertarsuatsiaani inuussutissarsiutigalugu tuttunniarneq oktobarip 21-annit atuutilersumik novembarip 30-at 2022 ilanngullugu sivitsorneqarpoq.
Sukumiinerusumik paasisaqarusukkaanni immikkoortortaqarfimmi pisortaq Amalie Jessen, amalie@nanoq.gl iml oqarasuaat 34 53 04, Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl