AtuartigukMúte: Nunarsuarmioqatitsinnut peqataanerorusuppugut
Nassiussisuuvoq: Naalakkersuisut Siulittaasuata Naalakkersuisoqarfia
Naalakkersuisut Siulittaasuat Múte Bourup Egede ulluni makkunani Islandimi Arctic Circle Assemblymut peqataavoq.
Sisamanngornermi oktobarip ulluisa 13-ianni ammaanermi oqalugiaateqarpoq, ilaatigullu oqarluni:
“Nunarput Issittorlu soqutigineqaleraluttuinnarput uagullu aamma nunarsuarmioqatitsinnut peqataanerorusuppugut.”
Múte Bourup Egede mittarfissat pillugit aamma oqaaseqarpoq.
”Inatsisartut 2018-imi aalajangerput Ilulissani, Nuummi Qaqortumilu mittarfinnik nutaanik sananerit aallartinneqassasut. Nuummi mittarfiliortut suliartik qiterpaarpaat, periarfissallu angallannikkut pitsannguinernik kinguneqartussat piviusunngornissaat qilanaaraavut. Nunatsinni siuariartorusuppugut. Kikkut tamarmik uatsinnut ataqqinnillutillu tusarnaarsinnaasut tikilluaqqusaapput,” ilaatigut Múte Bourup Egede taama oqaaseqarpoq.