AtuartigukQeqertarsuup Tunuani aamma Uummannami saattuarneq unitsinneqassaaq
Nassiussisuuvoq: Aalisarnermut Piniarnermullu Naalakkersuisoqarfik
Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaaruteqarpoq, aqutsiveqarfimmi Qeqertarsuup Tunua – Uummannaq, sinerissap qanittuani, saattuarniarneq septembarip 30-anni 2022-mi unitsinneqassammat, pisassiissutit nungunneqalermata.
Taamaattumik ulloq tunitsiviusussaq kingulleq tassaassaaq tallimanngorneq septembarip 30-at 2022, nalunaaqutaq 23.59. Ullormi aamma tassani pullatit tamarmik qaqinneqareerneqassapput.
Annerusumik paasisaqarusukkuit attavigiuk Kalaallit Nunaanni Aalisarsinnaanermut Akuersissutinik Nakkutilliisoqarfik oqarasuaat 34 50 00 imaluunniit e-mail gflk@nanoq.gl