AtuartigukTikaagullittassanit pisassiissutinik 2022-imi nuussineq
Nassiussisuuvoq: Aalisarnermut Piniarnermullu Naalakkersuisoqarfik
Naqqiut
Aalisarnermut Piniarnermullu Naalakkersuisup Nunatta Kitaani qamutilissorluni tikaagullittassiissutinit 18-it ataatsimoorluni qoorortoorsorluni tikaagullittassanut nuunnissaat aalajangerpaa, kiisalu Tunumi tallimat. Taamaasilluni Kitaani angallatit qamutilillit tikaagullittassaat maanna 62-it sinnerupput kiisalu umiatsiaararsortunut pisassat 49-ullutik, nuussaniit piniarneq septembarip 16-anni 2022-miit atuutilissaaq.
Nuussinissamut ulluliussaq sioqqullugu (ullussaa kommunit namminneerlutik aalajangissavaat) piniarneq tamarmi inerteqqutaavoq. Kommunit nutaamik agguaasseqqinneq tamanut nalunaarutigereerpassuk piniarneq aatsaat aallarteqqinneqarsinnaavoq. Piniaqatigiinnermi allannguisoqarnani ingerlaqqinnissamik isumaqatigiittoqarsimappat taanna atuutissaaq.
Tusagassiorfinnut decembarip 23-ianni 2021-mi nalunaarutini, Kitaani ukiumut tikaagullinnik tunngaviusumik pisassiissutit 164-it pillugit ilisimatitsissuteqartoqarpoq kiisalu 2021-miit pisassiissutinik 42-inik Kitaani nuussisoqarpoq. Ataatsimoorluni qoorortoorsorluni piniarnermi tikaagulliit 54-it pisassiissutigineqarput qamutilinnillu tuukkartalinnik piniarnermit 110-t pisassiissutigineqarlutik tunngaviusumik pisassiissutiniit.
Piniaqatigiit qoorortuumik tikaagullinniartut apriilip 15-iannit oktobarip 30-at ilanngullugu 2022-mi piniarsinnaapput.
Tunumi pisassiissutit tamakkerlugit 20-upput aamma 2021-miit nuussaq ataasiulluni.
Septembarip 13-anni 2022-mi killiffittut paasissutisiarisai naapertorlugit Kitaani tikaagulliit 65-t ataatsimoorluni piniarnermi aamma qamutilinnik tuukkartalinnik piniarnermit tikaagulliit 30-it pisarineqarsimapput, tassalu suli nuussisoqarani pisassiissutinit 31-it aamma 80-it sinnerullutik.
Tunumi tikaagulliit aqqaneq-marluk (12) pisarineqarsimapput, pisassiissutinik arfineq pingasut (8) sinnerullutik.
Kitaani ataatsimoorluni qoorortoorsorluni pisassanik nuussineq ima kinguneqarpoq:
Avannaata Kommunia 2
Kommune Qeqertalik 2
Qeqqata Kommunia 4
Kommuneqarfik Sermersooq Kitaa 2
Kommune Kujalleq 8
Katillugit: 18
Tunumi agguaasseqqinneq:
Tasiilaq 5
Ittoqqortoormiit 0
Katillugit: 5
Takussutissiaq: Kalaallit Nunaata kitaani kangianilu ataatsimoorluni tikaagullinniarnermi setembarip 13.-anni 2022-mi agguaasseqqinneq aamma 2021-imiit nuussaniit pisat.
Ataatsimoorluni tikaagullinniarneq, Kitaa
|
Nunatta kitaani tikaagulliit |
Tunngaviusumik pisassiissutiniit pisat |
Tunngaviusumik pisassiissutit |
2021-miit nuussanit pisat |
Agguaasseqqinneq |
|
Qaanaaq |
0 |
1 |
0 |
0 |
|
Upernavik |
1 |
7 |
1 |
0 |
|
Uummannaq |
3 |
6 |
3 |
0 |
|
Ilulissat |
1 |
2 |
3 |
2 |
|
Qeqertarsuaq |
0 |
3 |
3 |
0 |
|
Qasigiannguit |
0 |
3 |
0 |
0 |
|
Aasiaat |
1 |
3 |
1 |
2 |
|
Kangaatsiaq |
0 |
3 |
4 |
0 |
|
Sisimiut |
2 |
3 |
10 |
2 |
|
Maniitsoq |
3 |
4 |
10 |
2 |
|
Nuuk |
0 |
3 |
3 |
0 |
|
Paamiut |
1 |
3 |
1 |
2 |
|
Narsaq |
5 |
5 |
0 |
3 |
|
Qaqortoq |
3 |
3 |
2 |
3 |
|
Nanortalik |
3 |
5 |
1 |
2 |
|
Tamakkerlugit |
23 |
54 |
42 |
18 |
Ataatsimoorluni tikaagullinniarneq, Tunu
|
Tunumi tikaagulliit |
Tunngaviusumik pisassiissutiniit pisat |
Tunngaviusumik pisassiissutit |
2021-miit nuussanit pisat |
Agguaasseqqinneq |
|
Ittoqqortoormiit |
0 |
8 |
0 |
0 |
|
Tasiilaq |
11 |
12 |
1 |
5 |
|
Tamakkerlugit |
11 |
20 |
1 |
5 |
Kisitsisit allannguuteqarsinnaapput, nuussinerup nalaani pisanik nalunaartoqarsinnaammat.
Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl imaluunniit immikkut siunnersorti Masaana Dorph, oqarasuaat 34 53 44, e mail: mado@nanoq.gl