AtuartigukMisileraalluni 2022-mi saattuarniarnissamut periarfissiisoqarpoq
Nassiussisuuvoq: Aalisarnermut Piniarnermullu Naalakkersuisoqarfik
Naalakkersuisut kitaani misileraalluni saattuarniarnissamut periarfissiipput, saattuanut aqutsinermut pilersaarut naapertorlugu. Aqutsinermut pilersaartu ukiortaamit atuutilerpoq. Aqutsinermut pilersaarut misileraalluni saattuarniarnissamut qinnuteqarnissamut periarfissiivoq sumiiffinnut ilisimatuussutsikkut siunnersorneqarsimanngitsunut, tamatumani ilisimasat amigaataaneri pissutigalugit. (kategori 4).
Sumiiffinni misileraaffigineqartuni ukiuni aggersuni ilisimasalikkat naammattut pigineqalerpata, ilisimatuussutsikkut siunnersuineq pisinnaalissaaq, inuussutissarsiutigalugu siunissami aalisalersinnaanissaq ilippanaateqarsinnaalluni.
Taamaattumik misileraanissaq pingaaruteqarpoq saattuat sumiiffii siaruarsimanerisalu annerusumik ilisimaneqalertut katersorneqarpata, aamma misileraanermi saattuaqassuseq illersorneqarsinnaasumik qularnaatsuutinneqassaaq ilisimatuussutsikkut siunnersuinissap tungaanut.
Erseqqissarneqassaaq misileraalluni aalisarnermi piumasaqaataassammat paasisat Pinngortitaleriffik suleqatigalugu katersorneqassammata.
Misileraalluni aalisarnermi tunngavissat UANI atuarsinnaavat.
Suliniummut pilersaarutini tamani sumiiffinni 4-ni ukiut tamaasa 2022-mit 2026-mut TAC-mik pisassiisoqatassaaq, ima amerlatigisussaallutik:
Upernaviup sioraani 200 tonsit
Qeqertarsuup Tunuani – Uummannap sioraani 200 tonsit
Maniitsoq - Kangaamiut sioraani 200 tonsit
Narsaq – Qaqortup sioraani 200 tonsit
Misileraaneq pillugu 2024-mi nalilersuisoqassaaq, taanna tunngavigalugu Naalakkersuisut periarfissaqarput misileraaneq pillugu nalilersueqqissallutik.
Misileraalluni aalisarnermut atatillugu paasissutissanik katersinissamut periarfissat atorluarumallugit, misileraanissamut tamanit qinnuteqartut kissaappagut misileraalluni saattuanik aalisalissasut.
Qinnuteqartut akuerineqartut assigiimmik pisassinneqassapput. Qinnuteqaat uani allassimasoq pisinnaavat: Misileraalluni aalisarnissamut qinnuteqaat (sullissivik.gl)
Qinnuteqarfissaq kingulleq tassaavoq septembarip 30-at 2022.