AtuartigukAtserineq aqquserngit inissiat peqqissuserlu
Nassiussisuuvoq: Isumaginninnermut, Ilaqutariinnut, Suliffeqarnermut Nunamullu Namminermut Naalakkersuisoqarfik
Inoqarfiit pillugit ataatsimeersuarnerup ulluisa siulliani tamakku sammineqarput.
Atserinermi aqqusineqarnermi unammillernartut suuneri kommunenillu tamakkununnga pilersaarutai missingiusiornerilu sammineqarput.
Inissiaqarnerup inissiallu peqqissutsimut sunniutaasa unammillernartui, kommunillu tamakkununnga pilersaarutaat missingiusiornerilu sammineqarputtaaq.
Jess Svane, Isumaginninnermut Sulisoqarnermut Nunamullu Namminermut Naalakkersuisoq:” Ataatsimeersuarnerup imarisaanik piareersarnermi Kalaallit Nunaanni Nunqarfiit Peqatigiiffiat, KANUNUPE, oqaloqatigereernerup kingorna imassaanik kissaataasa ilaat oqallisigineqarusuttut ilanngussimavavut. Atserinermut, aqqusineqarnermut, ineqarnermi pissutsinut umiarsualivinnullu aammalu ilaasunik angallassinermi kiffartuussinissamut isumaqatigiissutinut tunngatillugu sumiiffiit ilaanni anigorniagassaqarnerit ukkatarineqarnissaanut kissaat taamaasilluta naammassiniarneqarpoq”.
Paasissutissat sukumiinerusut pissarsiarineqarsinnaapput naalakkersuisup allattaa Helene S. Petersen saaffigalugu mail: hspd@nanoq.gl oqarasuaat: 270243.