AtuartigukMimi: Atornerluineq politiinut nalunaarutigineqartoq
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Inuit attaveqatigiittarfianni suliaq ingerlaaleruttorpoq, nuna tamakkerlugu ulloq unnuarlu neqeroortarfimmi najungalik, ilimaginngisamik ernisimasoq.
Meeqqat, Inuusuttut ilaqutariinnut peqqinnissamullu Naalakkersuisoq Mimi Karlsen oqarpoq: "Pisoq pinngisaannartussaq innarluutilinnut neqeroorutitsinni pivoq. Najugaqartoq naartunermik ersiuteqarsimanani ernivoq. Pisoq alianarluinnarpoq, Naalakkersuisuusugut aliasuutigeqaarput pimoorussassatullu tingullutigut. Taamatut pisoqartussaanngilaq! Inuit attaveqatigiittarfianni najugaqartup aqqa eqqaaneqarsimavoq, pisuusutullu taaneqartoq eqqungitsuusimasinnaavoq. Pisuutitsinerit sakkortuumik akuersaangilluinnarpakka. Suliaq politiinut anngunneqarnikuuvoq, suliarlu ilungersunartoq paasiniarneqaleruttorpoq. Inassutingaarput pineqartut aqqi inuit attaveqatigiittarfiani facebookimi eqqaaneqassangimmata najungaqartoq, ilaqutai neqeroortarfimmilu sulisut illersorniarlugit," Mimi Karlsen oqarpoq.
" Najungaqartut ilaqutaasullu toqqissisimasariaqarput, qanorluunniit inuiaqatigiinni atornerlungaasarneq akuerineqassangilaq. Suliami taama ilungersunartingisumi isumaginninnermi aqutsisoqarfimmiit ikiuineq annertuneq pissaaq, ulloq unnuarlu paaqqinnittarfimmi Najugaqartut, ilaqutaasut sulisullu eqqortumiik sullineqarlutillu paasissutissinneqarniassammata", Mimi Karlsen oqarpoq.