AtuartigukNaalakkersuisut: Suleqatigiinneq suli annertusarneqassaaq
Nassiussisuuvoq: Naalakkersuisut Siulittaasuata Naalakkersuisoqarfia
Akisussaaffiit akimorlugit suleqatigiinnerup annertusarnissaanut ineritinnissaanullu Naalakkersuisunut ilaasortat suli anguniagaqarusupput.
Taamaammat Naalakkersuisut ataqatigiissaarinermut ataatsimiititaliamik aamma ataqatigiissaarisutut immikkoortunik pingasunik pilersitsipput, taakkulu Naalakkersuisut naalakkersuinikkut suliassaat anguniagaallu ataqatigiissaartussaavaat. Naalakkersuisoqatigiinni anguniagaqarusussutsip isumannaarneqarnissaanut angusaqarnissaq siunertaavoq.
Naalakkersuisunut Siulittaasoq Múte Bourup Egede oqarpoq: “ Pisortaqarfiit akisussaaffii akimorlugit Naalakkersuisuni suleqatigiinnerup annertusarnerisigut naalakkersuinikkut anguniakkavut annertusassavagut, tamatumanilu inuiaqatigiinni pissutsit pitsaanerulernissaat isiginiarneqartuassaaq. Suleriaatsit nutaat atorlugit naalakkersuinikkut ingerlatsinitsinni suliatta anguniagaqarusunnermik tunngaveqarnerusumik suliarineqartarnissaat naatsorsuutigaara.”
Ataqatigiissaarisutut immikkoortut oqalliffiussapputtaaq sunneqatigiillutik pilersitsiffiusut, tassuunakkullu naalakkersuinikkut anguniagaqarusussutsip siuarsarneqarnissaa isumannaarneqassaaq.