AtuartigukAalisarnermut Piniarnermullu Naalakkersuisoq Kullorsuarmi
Nassiussisuuvoq: Aalisarnermut Piniarnermullu NaalakkersuisoqarfikAalisarnermut Piniarnermullu Naalakkersuisoq, Karl Tobiassen, nunatsinni nunaqarfiit inuttunersaasa tulliannut Kullorsuarmut pingasunngornermi aggustip 30-anni 2022-mi tikippoq.
Kullorsuarmi peqatigiiffiup APPK-ip, Aalisartut Piniartullu Peqatigiiffiat Kullorsuaq, siulittaasuannik Timotheus Petersenimit tikilluaqquneqarpoq.
APPK-ip siulittaasuata qajaq aalisakkanut karip qaavanut ilisimavaa, ilaatigullu ima allagartaliisimalluni: Aalisarnermut Piniarnermullu Naalakkersuisoq piniartutut inuussutissarsiorneq ileqqutoqqallu atorlugit qaannamik piniartarnerput Qimusseriarsuarmi utertinneqarli. Taamaanngippat eqqaavimmut igiinnassavarput.
Aalisarnermut Piniarnermullu Naalakkersuisoq Karl Tobiassen erseqqissaavoq Inatsisartut ileqqutoqqat tunngavigalugit piniartarneq pillugu suliakkerneqarsimalluni, taassumalu suliarinera nalilersorlugu aallartereersimallugu.
Kullorsuarmi innuttaasut amerlasuut takkupput Karl Tobiassen aamma Ineqarnermut Attaveqaasersuutinullu Naalakkersuisoq Erik Jensen inuttaasunik pingasunngornermi unnukkut ataatsimiititsimmata.
Aalisarnermut Piniarnermullu Naalakkersuisup Karl Tobiassenip nunaqarfinni Upernaviup pigisaani angalanini nangillugu ippassaq angalavoq.
Attavigineqarsinnaavoq Aalisarnermut Piniarnermullu
Naalakkersuisoqarfimmi pisortaaneq Jørgen Isak Olsen. E-mail: jio@nanoq.gl