AtuartigukKalaallit Nunaat siunissami mingutsitsinngitsumik umiarsuit ingerlanneqarnissaat pillugu nunat tamalaat ataatsimeersuarnissaannut qaaqqusisuussaaq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Naalakkersuisunit nunatsinni CO2-mik aniatitsinerpaat ilaasa, imarsiornermik inuussutissarsiutillit, mingutsitsinngitsunut allannguinissaasa aallunneqarnissaa kissaatigineqarpoq. Taamaattumik 5.-6. oktobari 2022 Nuummi ataatsimeersuarnissamik aaqqissuussisoqarpoq, tassanilu siunissami mingutsitsinngitsumik umiarsuit ingerlanneqarnissaat oqallisigineqassaaq.
- Nunaavugut imarsiornermik tulluusimaarutilik, immamilu sulineq ilaqutariippassuit inuuniutigaat. Taamaattumik aamma immami umiarsuaatigut mingutsitsinngitsunut allannguiniarneranni, taamaalillutalu inuussutissarsiummi siunissamut periarfissarititaasunik qulakkeeriniarnermi siuttuunissatsinnut periarfissanik misissuissaagut. Tamatuma peqatigisaanik erngup nukinganut isumalluutigut atorneqanngitsut annertoorsuupput, nukissiamik mingutsitsinngitsumik, siunissami ikummatissanik mingutsitsinngitsunik tunisassiornermi atugassatsinnik pilersuisinnaasut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Tamanna pissutigalugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik aammalu suleqatit arlallit, soorlu Kommuneqarfik Sermersooq aamma Nordisk Energiforskning, umiarsuit mingutsitsinngitsumik ingerlanneqarnerani nunatsinni nunanilu tamalaani sullissisuusunik, Nuummi 5.-6. Oktobari 2022-mi ataatsimeersuarnermut katersuutsitsiniarpoq. Ataatsimeersuarneq Nunani Avannarlerni Ministerit Siunnersuisoqatigiiffiannit tapersersorneqarpoq, taamaalillunilu Kalaallit Nunaat mingutsitsinngitsumik umiarsuit ingerlanneqarnissaat qanoq iliorluni ajornarunnaarsinneqarsinnaanersoq pillugu aaqqiissutissat ilaatut periarfissaminik saqqummiussinissamut periarfissaqassaaq.
- Kalaallit Nunaat imarsiornermik inuussutissarsiutillit mingutsitsinngitsunut allannguinissaannut pingaarutilittut inissisimalersinnaavoq. Nukissiaq mingutsitsinngitsoq akikitsorlu annertooq, umiarsualiviit inuiaqatigiinnit pigineqartut aamma imaatigut angallaviit aalajangersimasut pigigatsigit, Kalaallit Nunaat siunissami mingutsitsinngitsumik imaatigut angalasarnermut allannguiniarnermi torsuusatut mingutsitsiviunngitsutut taaneqarsinnaammat ineriartortitsinissamut periarfissaqarpugut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Nunarsuarmi inuiaqatigiit ukiuni makkunani aaqqiissutissanik mingutsitsinngitsunik, inuussutissarsiutinut CO2-mik annertuumik aniatitsisunut nukissiuutinut mingutsitsinngitsunut allannguisussanik ineriartortitsinermik aallutaqarput. Kalaallit Nunaanni ilaatigut imarsiornermik inuussutissarsiuteqarneq, ullumikkut nunatsinni CO2-mik annertuumik aniatitsiviusoq siunnerfigaarput.
Attaveqarfissaq
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen oqarasuaat: 346476/529844-mut imaluunniit e-mail: mesp@nanoq.gl imaluunniit pan@nanoq.gl aqqutigalugu attaveqarfigineqassaaq.
- Nunaavugut imarsiornermik tulluusimaarutilik, immamilu sulineq ilaqutariippassuit inuuniutigaat. Taamaattumik aamma immami umiarsuaatigut mingutsitsinngitsunut allannguiniarneranni, taamaalillutalu inuussutissarsiummi siunissamut periarfissarititaasunik qulakkeeriniarnermi siuttuunissatsinnut periarfissanik misissuissaagut. Tamatuma peqatigisaanik erngup nukinganut isumalluutigut atorneqanngitsut annertoorsuupput, nukissiamik mingutsitsinngitsumik, siunissami ikummatissanik mingutsitsinngitsunik tunisassiornermi atugassatsinnik pilersuisinnaasut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Tamanna pissutigalugu Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik aammalu suleqatit arlallit, soorlu Kommuneqarfik Sermersooq aamma Nordisk Energiforskning, umiarsuit mingutsitsinngitsumik ingerlanneqarnerani nunatsinni nunanilu tamalaani sullissisuusunik, Nuummi 5.-6. Oktobari 2022-mi ataatsimeersuarnermut katersuutsitsiniarpoq. Ataatsimeersuarneq Nunani Avannarlerni Ministerit Siunnersuisoqatigiiffiannit tapersersorneqarpoq, taamaalillunilu Kalaallit Nunaat mingutsitsinngitsumik umiarsuit ingerlanneqarnissaat qanoq iliorluni ajornarunnaarsinneqarsinnaanersoq pillugu aaqqiissutissat ilaatut periarfissaminik saqqummiussinissamut periarfissaqassaaq.
- Kalaallit Nunaat imarsiornermik inuussutissarsiutillit mingutsitsinngitsunut allannguinissaannut pingaarutilittut inissisimalersinnaavoq. Nukissiaq mingutsitsinngitsoq akikitsorlu annertooq, umiarsualiviit inuiaqatigiinnit pigineqartut aamma imaatigut angallaviit aalajangersimasut pigigatsigit, Kalaallit Nunaat siunissami mingutsitsinngitsumik imaatigut angalasarnermut allannguiniarnermi torsuusatut mingutsitsiviunngitsutut taaneqarsinnaammat ineriartortitsinissamut periarfissaqarpugut, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
Nunarsuarmi inuiaqatigiit ukiuni makkunani aaqqiissutissanik mingutsitsinngitsunik, inuussutissarsiutinut CO2-mik annertuumik aniatitsisunut nukissiuutinut mingutsitsinngitsunut allannguisussanik ineriartortitsinermik aallutaqarput. Kalaallit Nunaanni ilaatigut imarsiornermik inuussutissarsiuteqarneq, ullumikkut nunatsinni CO2-mik annertuumik aniatitsiviusoq siunnerfigaarput.
Attaveqarfissaq
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Mette Skarregaard Pedersen oqarasuaat: 346476/529844-mut imaluunniit e-mail: mesp@nanoq.gl imaluunniit pan@nanoq.gl aqqutigalugu attaveqarfigineqassaaq.