Pituffimmi (Thule Air Base) aapakaat kuppiannik kuppertoqartoq

Pituffimmi sulisut sakkutuujunngitsut marluk aapakaat kuppiannut nalinginnaasunik ersiuteqarput. Nappaat nunatta avataaniit eqqunneqarpoq.

Tunillatsissimasut taakku marluk Pituffimmi mattusimagallarneqarput. Taakku peqqissillutik tunillaasinnaajunnaarnissaasa tungaanut mattusimaneqarallassapput. Paassissutissat maannamut pigineqartut tunngavigalugit taakku tunillassimasinnaasaminnik qanigisaqanngillat.

Nunatsinni Nakorsaaneqarffimmit naliliineq naapertorlugu nunatsinni sumiiffinnut allanut tuniluussinnaanera navianaateqanngilaq. Tunillatsissimasoq nunatsinnut tikeqqammerpoq, tikinnerminilu ersiuteqanngilaq. Nappaammut ersiuteqaleraangat aatsaat nappaat tuniluutilersarpoq.

Nappaat aapakaat kuppiisa tappiorannartuannik virusumik patsiseqarpoq. Qanimut attuumanermi nappaat inuit akornanni tuniluukkajuppoq. Amermi pullartat imaannik attuinikkut imal. anersaartuutit aqqutigalugit tuniluukkajuppoq, taamatuttaaq ataasiakkaani tunillannartulitsigut- ilaatigut oqorutitigut il.il. tunillatsittoqarsimanera nassuiarneqarluni. Nappaat namminerisaminik qaangiuttarpoq nalinginnasumillu sap. ak. marluk sisamallu akornanni sivisussuseqartarluni.

Paasissutissat annertunerusut Nunatsinni Nakorsaanermut Henrik L Hansenimut oqarasuaatikkut: 553561 attaveqarnikkut pissarsiarineqarsinnaapput.