Nunatsinnut tikinnermi coronamik killilersuutit atorunnaarsinneri
Nassiussisuuvoq: Peqqissutsimut Naalakkersuisoqarfik![Air Greenland timmisartoq](/-/media/billeder/trafik/timmisartut.jpg?cx=0.5&cy=0.5&cw=975&ch=415&hash=F6B29860E8E561BF38E904614D5DCA90)
Nunatsinnut tikinnermi killilersuutit atuuttut atorunnaarsinneqarnissaat Naalakkersuisut aalajangiuppaat, taamaasillunilu Kalaallit Nunaanut tikinnermi misissortissimanissamik akiuussuserneqarsimanissamillu uppernarsaateqarani 18. maj 2022-mit tikittoqarsinnaalerluni. Pineqartut tikittunut tamanut atuupput, tassalu inunnut Kalaallit Nunaanni najugaqartunut imaluunniit takornarianut, suliartortunut allanulluunniit nunatsinnut tikittunut.
Peqqissutsimut Naalakkersuisup Mimi Karlsenip ilisimatitsissutigaa ”Killilersuutit atorunnaarsinneqarnerini peqqinnissakkut ilisimasallit naliliineri aallaavigineqarsimapput. Erseqqissaatigissavara naak nunatsinnut tikinnermi killilersuutit atuuttut atorunnaarsinneqarnissaat aalajangiunneqaraluartoq Covid-19-imut atatillugu pissutsit allanngoratarsinnaammata tamatumalu kingunerisaanik killilersuutit eqqunneqaqqissinnaammata. Pissutsit qanoq inneri qanimut ataavartumillu malinnaaffigeqqissaarpagut.”
Corona piuulugu apeqqutissaqassaguit corona hotline atttavigisinnaavat oqarasuaat 80 11 00 aqqutigalugu.