AtuartigukAmmip qalipaataanik assigiinngisitsineq itigartiguk!
Nassiussisuuvoq: Aningaasaqarnermut Naligiissitaanermullu Naalakkersuisoqarfik
Ullumikkut ulloq FN-ip nunarsuaq tamakkerlugu ammip qalipaataanik assigiinngisitsinermik akiuiniarnermut ulloritippaa. Ukioq manna ”Nipi ammip qalipaataanik assigiinngisitsinermut kaammattuisoq” qulequtaritinneqarpoq. Qulequttami pisortat aalajangiiniarnerni tamani ammip qalipaataanik assigiinngisitsineq pinaveersaartinniarlugu akiorniarlugulu peqataanerisa nukitittorsarnissaat siunertarineqarpoq.
Ammip qalipaataanik assigiinngisitsineq assigiinngisitsineruvoq kingoqqiffiilluunniit, ammip qalipaataa, nagguik, upperisaq nunagisamiluunniit inuiannilluunniit kingoqqiffiit tunngavigalugit isummanik pigiliussaqarfiulluni. Nunarsuaq tamakkerlugu ammip qalipaataanik assigiinngisitsinermut ulloq ukiut tamaasa malunnartinneqarneqartarpoq, tassanilu ulloq Sydafrikami politiit 1960-mi apartheidimut eqqissisimasumik akerliussutsimik takutitsinermi inunnik 69-nik aallaannillutillu toqoraaffigisaat.
Ammip qalipaataanik assigiinngisitsinerit suulluunniit inunnut ataasiakkaanut innuttaaqatigiinnullu annertuumik kinguneqarsinnaapput. Ammip qalipaataanik assigiinngisitsineq uumissuinermillu aallaavilimmik pinerliinerit ajoraluartumik nunarsuarmi tamarmi annertuumik ajornartorsiutaapput. Ammip qalipaataa aallaavigalugu immikkoortitsineq akuersaarneqarsinnaanngilaq, kikkulluunniillu ammip qalipaataa kingoqqiffitsilluunniit tunuliaqutaralugu immikkoortinneqartariaqanngillat.
Kalaallit Nunaanni ammip qalipaataanik assigiinngitsitsinerup qanoq siaruarsimatiginera qanorlu ajornartorsiutaatiginera suli qulaajarneqanngilaq, ammilli qalipaataa tunngavigalugu immikkoortitsineq amerlanertigut ilisimasakinnermik nalusanillu ersiornermik aallaaveqartarpoq. Taamaammat immitsinnut paasititseqatigiinnissatsinnut pikkorinnerulertariaqarpugut, ammillu qalipaataa tunngavigalugu assigiinngisitsineq sumiluunniit misigigutsigu itigartilluinnarlugu.
”Kalaallit Nunaanni kikkulluunniit inissaqartinneqartariaqarput, kinaluunniillu ammip qalipaataa aallaavigalugu asissorneqarnanilu immikkoortinneqassanngilaq. Inuit tamarmik inunnguutsimminni naligiipput amillu qalipaataa kikkunnilluunniit kingoqqisuuneq apeqqutaatinnagu taamatut pineqartariaqarlutik. Ammip qalipaataa tunngavigalugu assigiinngitsinermik akiuiniarneq qasujaalluni inuiaqatigiillu tamaasa akulerutsillugit ingerlanneqartariaqarpoq, sulimi ammip qalipaataa aallaavigalugu immikkoortitsineq takussutissaqartarmat. Taamaammat assigiinngiiaartuuneq nunarsuarlu ammip qalipaataa aallaavigalugu immikkoortitsiffiunngitsoq katersuuffigitigu.” Aningaasaqarnermut, Aatsitassanut, Inatsisit atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq.
Annertunerusumik paasisaqarumallutit naalakkersuisup allattaa Zakaria Saleh e-mail: zasa@nanoq.gl atorlugu attavigiuk
Ammip qalipaataanik assigiinngisitsineq assigiinngisitsineruvoq kingoqqiffiilluunniit, ammip qalipaataa, nagguik, upperisaq nunagisamiluunniit inuiannilluunniit kingoqqiffiit tunngavigalugit isummanik pigiliussaqarfiulluni. Nunarsuaq tamakkerlugu ammip qalipaataanik assigiinngisitsinermut ulloq ukiut tamaasa malunnartinneqarneqartarpoq, tassanilu ulloq Sydafrikami politiit 1960-mi apartheidimut eqqissisimasumik akerliussutsimik takutitsinermi inunnik 69-nik aallaannillutillu toqoraaffigisaat.
Ammip qalipaataanik assigiinngisitsinerit suulluunniit inunnut ataasiakkaanut innuttaaqatigiinnullu annertuumik kinguneqarsinnaapput. Ammip qalipaataanik assigiinngisitsineq uumissuinermillu aallaavilimmik pinerliinerit ajoraluartumik nunarsuarmi tamarmi annertuumik ajornartorsiutaapput. Ammip qalipaataa aallaavigalugu immikkoortitsineq akuersaarneqarsinnaanngilaq, kikkulluunniillu ammip qalipaataa kingoqqiffitsilluunniit tunuliaqutaralugu immikkoortinneqartariaqanngillat.
Kalaallit Nunaanni ammip qalipaataanik assigiinngitsitsinerup qanoq siaruarsimatiginera qanorlu ajornartorsiutaatiginera suli qulaajarneqanngilaq, ammilli qalipaataa tunngavigalugu immikkoortitsineq amerlanertigut ilisimasakinnermik nalusanillu ersiornermik aallaaveqartarpoq. Taamaammat immitsinnut paasititseqatigiinnissatsinnut pikkorinnerulertariaqarpugut, ammillu qalipaataa tunngavigalugu assigiinngisitsineq sumiluunniit misigigutsigu itigartilluinnarlugu.
”Kalaallit Nunaanni kikkulluunniit inissaqartinneqartariaqarput, kinaluunniillu ammip qalipaataa aallaavigalugu asissorneqarnanilu immikkoortinneqassanngilaq. Inuit tamarmik inunnguutsimminni naligiipput amillu qalipaataa kikkunnilluunniit kingoqqisuuneq apeqqutaatinnagu taamatut pineqartariaqarlutik. Ammip qalipaataa tunngavigalugu assigiinngitsinermik akiuiniarneq qasujaalluni inuiaqatigiillu tamaasa akulerutsillugit ingerlanneqartariaqarpoq, sulimi ammip qalipaataa aallaavigalugu immikkoortitsineq takussutissaqartarmat. Taamaammat assigiinngiiaartuuneq nunarsuarlu ammip qalipaataa aallaavigalugu immikkoortitsiffiunngitsoq katersuuffigitigu.” Aningaasaqarnermut, Aatsitassanut, Inatsisit atuutsinneqarnerannut Naligiissitaanermullu Naalakkersuisoq Naaja H. Nathanielsen oqarpoq.
Annertunerusumik paasisaqarumallutit naalakkersuisup allattaa Zakaria Saleh e-mail: zasa@nanoq.gl atorlugu attavigiuk