AtuartigukMittarfeqarfiit A/S pillugu Inatsisartut inatsisissaattut siunnersuut upernaakkut ataatsimiinnermi saqqummiunneqassaaq
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Mittarfeqarfiit nammineertitaq Kalaallit Airports Holding A/S-imut ilanngullugu aktianik piginneqatigiiffinngortinneqarnissaa pillugu inatsisissatut siunnersuut, upernaakkut ataatsimiinnermi Naalakkersuisut saqqummiutissavaat.
Mittarfinni attaveqaasersuutit suliffeqarfimmit nammineertitamit Mittarfeqarfinnit, mittarfinnik 13-iusunik, qulimiguulinnullu mittarfinnik 46-sunik ingerlatsisumit ullumikkut isumagineqarput.
Mittarfissat nutaat pillugit Inatsisartut 2018-imi aalajangiinerisa kingunerisaannik, suliffeqarfiit mittarfinnik piginnittuusut, mittarfiliortut ingerlatsisulluunniit maanna pingasuupput: Kalaallit Airports International A/S, Kalaallit Airports Domestic A/S kiisalu Mittarfeqarfiit. Mittarfinnik ingerlatsinermi piginnaasanik assigiinnik tamarmik pisariaqartitsipput. Tamanna ilisimasat paasisimasallu pigilernissaannut, pigiinnarnissaannullu unammillernartitsilereerpoq.
Taamaattumik nunatsinni mittarfinnik ingerlatsinerup aaqqissuussaanermi ataatsimi ataatsimoortinneqarnissaa, inatsisissatut siunnersuutitigut siunertaavoq. Sulisutigut piginnaasat piukkunnaatillit soqutiginnilersinneqarnissaat, angisuunillu ingerlataqarnermi iluaquteqarnissaq tassuunatigut ilaatigut qulakkeerneqassaaq. Taamaalilluni sulisut atorfii qulakkeerneqassapput, tassungalu pisariaqartumik toqqissisimanissamik kinguneqassalluni.
Ineqarnermut Attaveqaasersuutinullu Naalakkersuisoq, Mariane Paviasen, ima oqaaseqarpoq:
”Mittarfissat pillugit 2018-imi aalajangiinermit suliap aallartinneqartup ingerlanneqarnerani, inatsisissatut siunnersuuteqarnikkut pisariaqartumik alloriaqqippugut. Nunatsinni mittarfiit tamarmik siunissami aaqqissuussaanermi ataatsimi ingerlanneqalissasut anguniarparput. Taamaalilluta mittarfinnut, minnerunngitsumillu attaveqaasersuutinut ilaallutik pinngitsoorneqarsinnaanngitsunut sulisunut pitsaanerpaamik tunngavissiinissaq qulakkiissavarput. Upernaakkut ataatsimiinnermi siunnersuutip eqqartornissaa, oqallisiginissaalu qilanaaraara.”
Tamatuma saniatigut kiffartuussinissamik isumaqatigiissutitigut akiliuteqartarnikkut mittarfinnik amigartoorutaasartunik ingerlatsinissamik Naalakkersuisut ingerlatseqatigiiffimmut pisussaaffiliisinnaassammata, politikkikkut ilaatigut suli nakkutilliisoqasassoq inatsisissatut siunnersuutitigut anguniarneqarpoq. Mittarfeqarfiit A/S tunngaviusumik piginnaasaqarfimminik, imaappoq mittarfinnik ingerlatsinermik pingaarnertut ukkatarinninnissaa ilutigalugu anguniarneqarpoq. Ingerlatat mittarfinnik ingerlatsinermut tunngassuteqanngitsut, siunissami Mittarfeqarfiit ataanniissanngillat.
Ineqarnermut Attaveqaasersuutinullu Naalakkersuisoq, Mariane Paviasen, nangilluni ima oqaaseqarpoq:
”Erseqqissaatigissavara, 2018-imi aalajangiineq tunuliaqutaralugu mittarfinnik aaqqissuusseqqinneq aalajangersimammat, tamannalu aningaasatigut kinguneqarmat.
Nunami mittarfinnik tamanik siunissami ingerlatsinissami pitsaanerpaanik atugassaqartitsinissaq, aningaasatigullu pitsaanerpaamik sinaakkuteqartitsinissaq qulakkeerniarlugu, tamatuma kingunerisaanik Mittarfeqarfiit aktianik piginneqatigiiffinngortinneqarnissaa aalajangiisuusumik pingaaruteqarpoq.”
Inatsisissatut siunnersuut tusarniutigineqartoq kiisalu tusarniaanermi akissutit uani atuarsinnaavatit. Inatsisissatut siunnersuut Naalakkersuisunit akuersissutigineqartoq Inatsisartut nittartagaanni aamma atuarneqarsinnaavoq.
Annertunerusumik paasisaqarusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-imut attavigiuk.
Mittarfinni attaveqaasersuutit suliffeqarfimmit nammineertitamit Mittarfeqarfinnit, mittarfinnik 13-iusunik, qulimiguulinnullu mittarfinnik 46-sunik ingerlatsisumit ullumikkut isumagineqarput.
Mittarfissat nutaat pillugit Inatsisartut 2018-imi aalajangiinerisa kingunerisaannik, suliffeqarfiit mittarfinnik piginnittuusut, mittarfiliortut ingerlatsisulluunniit maanna pingasuupput: Kalaallit Airports International A/S, Kalaallit Airports Domestic A/S kiisalu Mittarfeqarfiit. Mittarfinnik ingerlatsinermi piginnaasanik assigiinnik tamarmik pisariaqartitsipput. Tamanna ilisimasat paasisimasallu pigilernissaannut, pigiinnarnissaannullu unammillernartitsilereerpoq.
Taamaattumik nunatsinni mittarfinnik ingerlatsinerup aaqqissuussaanermi ataatsimi ataatsimoortinneqarnissaa, inatsisissatut siunnersuutitigut siunertaavoq. Sulisutigut piginnaasat piukkunnaatillit soqutiginnilersinneqarnissaat, angisuunillu ingerlataqarnermi iluaquteqarnissaq tassuunatigut ilaatigut qulakkeerneqassaaq. Taamaalilluni sulisut atorfii qulakkeerneqassapput, tassungalu pisariaqartumik toqqissisimanissamik kinguneqassalluni.
Ineqarnermut Attaveqaasersuutinullu Naalakkersuisoq, Mariane Paviasen, ima oqaaseqarpoq:
”Mittarfissat pillugit 2018-imi aalajangiinermit suliap aallartinneqartup ingerlanneqarnerani, inatsisissatut siunnersuuteqarnikkut pisariaqartumik alloriaqqippugut. Nunatsinni mittarfiit tamarmik siunissami aaqqissuussaanermi ataatsimi ingerlanneqalissasut anguniarparput. Taamaalilluta mittarfinnut, minnerunngitsumillu attaveqaasersuutinut ilaallutik pinngitsoorneqarsinnaanngitsunut sulisunut pitsaanerpaamik tunngavissiinissaq qulakkiissavarput. Upernaakkut ataatsimiinnermi siunnersuutip eqqartornissaa, oqallisiginissaalu qilanaaraara.”
Tamatuma saniatigut kiffartuussinissamik isumaqatigiissutitigut akiliuteqartarnikkut mittarfinnik amigartoorutaasartunik ingerlatsinissamik Naalakkersuisut ingerlatseqatigiiffimmut pisussaaffiliisinnaassammata, politikkikkut ilaatigut suli nakkutilliisoqasassoq inatsisissatut siunnersuutitigut anguniarneqarpoq. Mittarfeqarfiit A/S tunngaviusumik piginnaasaqarfimminik, imaappoq mittarfinnik ingerlatsinermik pingaarnertut ukkatarinninnissaa ilutigalugu anguniarneqarpoq. Ingerlatat mittarfinnik ingerlatsinermut tunngassuteqanngitsut, siunissami Mittarfeqarfiit ataanniissanngillat.
Ineqarnermut Attaveqaasersuutinullu Naalakkersuisoq, Mariane Paviasen, nangilluni ima oqaaseqarpoq:
”Erseqqissaatigissavara, 2018-imi aalajangiineq tunuliaqutaralugu mittarfinnik aaqqissuusseqqinneq aalajangersimammat, tamannalu aningaasatigut kinguneqarmat.
Nunami mittarfinnik tamanik siunissami ingerlatsinissami pitsaanerpaanik atugassaqartitsinissaq, aningaasatigullu pitsaanerpaamik sinaakkuteqartitsinissaq qulakkeerniarlugu, tamatuma kingunerisaanik Mittarfeqarfiit aktianik piginneqatigiiffinngortinneqarnissaa aalajangiisuusumik pingaaruteqarpoq.”
Inatsisissatut siunnersuut tusarniutigineqartoq kiisalu tusarniaanermi akissutit uani atuarsinnaavatit. Inatsisissatut siunnersuut Naalakkersuisunit akuersissutigineqartoq Inatsisartut nittartagaanni aamma atuarneqarsinnaavoq.
Annertunerusumik paasisaqarusukkuit Ineqarnermut Attaveqaasersuutinullu Naalakkersuisoqarfik box909@nanoq.gl-imut attavigiuk.