Namminersorlutik Oqartussat 2022-mi pisiniartarnissanut pilersaarutaat

Namminersorlutik Oqartussat pisiniartarnerisa paasiuminarnerulernissaat sunniuteqarluarnerunissaallu siunertaralugit ukiumoortumik pisiniartarnissanut pilersaarusiortoqartarpoq, pilersaarusiami ukiuni aggersuni pisiassanik pingaartinneqarnerpaat takutinneqarput.

Matuma ataani 2022-mut pisiniartarnissanut pilersaarummi Namminersorlutik Oqartussat 250.000 kr.-t sinnerlugit aamma suli isumaqatigiissutaanngitsunik pisiniarnissaminnik naatsorsuuteqartut takutinneqarpoq. Pisiassat 500.000 kr.-nik sinnerlugilluunniit naleqartut pisortatigoortumik suliariumannittussarsiuunneqassapput. Soqutiginnittut maannakkut pisortat suliariumannittussarsiuussinerannik nittartakkami uani ilisimasaqalernissaannik kaammattorneqarput, www.udbudsportalen.gl.

2022-mut pisiniartarnissanut pilersaarut:

• Fjernprint (Digitaliseeriinermut Aqutsisoqarfik)
• Oqarasuaatit (Digitaliseeriinermut Aqutsisoqarfik)
• Inuussutissarsiorneq pillugu ilinniartitaanermut inatsimmik (Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik) avataanit nalilersuisitsinermut atatillugu siunnersorteqarneq
• Qarasaasianik sullissinerit: IT-mik atortunik inerisaaneq (Isumaginninnermut, Sulisoqarnermut Nunamullu Namminermut Naalakkersuisoqarfik)
• IT-mik siunnersortimut tunngaviusumik isumaqatigiissut (Pisiortortarnermut Allaffik)
• Kalerrisaarutit pigaartuusarnernilu kaaviiaartarnerit (Pisiortornermut Allaffik)
• Eqqiaaneq (Pisiortornermut Allaffik)
• Taxarneq – København (Pisiortortarnermut Allaffik)
• Kantiinamik ingerlatsineq (Ilisimatusarfik)
• Catering-imik isumaqatigiissut (GUX Nuuk)
• Napparsimasunik angallassineq København (Peqqinnissaqarfik)

Pisiortornissanut pilersaarusiorneq Naalakkersuisoqarfinnit aamma immikkoortortaqarfinnit 2022-mi pisiarisariaqakkamittut naatsorsuutigisatik pillugit akissuteqaataannik tunngaveqarpoq. Pisiortornermut Allaffimmi Naalakkersuisoqarfinni immikkoortortaqarfinnilu tamani pisiarisariaqagaat qaleriittuussagaluarpata tamakku akornanni ataqatigiissaarisoqartarpoq aammalu immikkoortortaqarfiit pineqartut eqqortunik pisinissaannik ikiortarlugit.

Paasissutissanik amerlanerusunik piniaraanni Pisiortornermut Allaffimmi allaffimmi pisortaq, Naja Lydeking-Olsen, mailikkut ugguuna nlyn@nanoq.gl imaluunniit oqarasuaatikkut ugguuna 34 52 08, attaveqarfigineqarsinnaavoq.