AtuartigukNalilersuineq: Immikkut pisariaqartitalinnut sullissinissamut soqutiginnittut amigaataapput
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Perorsaanermik Ilinniarfimmi/Socialpædagogisk Seminariumimi inunnik isumaginninnermi ilinniakkat pillugit nalilersuineq nutaaq saqqummerpoq.
Misissuinermi ilinniarsimasut suliassanik aalajangersimasunik qanoq kivitsisarnersut suliffimminnilu nutaami qanoq naapinneqarnersut sammineqarput.
Nalilersuinerup takutippaa ilinniarnerminnit naammasserlaanik annertuumik piumasaqartoqartoq, piumasaqarnerlu naammassiniarlugu naammattumik ilinniartitsisoqarani. Aamma ilisimasatigut annertuumik tunngaveqartunik suliassanik arlalinnik sammisaqarsinnaasunik ilinniartitsisoqarpoq.
Ilinnialerlaat suliassaqarfinni nalinginnaasuni piginnaasaat akuerineqarlutillu pingaartinneqarput, suliassaqarfinnili immikkut sullissiviusuni, soorlu immikkut pisariaqartitalinnut sullissinissamut assersuutigalugu innarluutilinnut isumaginissamut, ilinniagaqalerlaanit soqutiginnittoqannginnera misigineqarpoq.
- Perorsaanermik Ilinniarfimmi ilinniakkanik siornatigut nalilersuinerup takutippaa atuartut suliamut qaffasissumik piginnaasaqartut. Nalilersuinerullu nutaap takutippaa ilinniarnerminnik ilinniagaqalerlaat annertuumik naammagisimaarneqartut Perorsaanermilu Ilinniarfimmi ilinniarsimasunik piumasaqarneq annertusoq. Aamma qularutiginngilara nalunaarutip isumatusaartumik innersuussutai ilinniartut perorsaanikkut ilisimasaannut pitsaanerulersitsissasut, suliffeqarfiit iluaqutigiumaagaannik, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Nalilersuineq isumaginninnermut suliassaqarfiup ineriartortinnissaanut ilisimasanik pingaarutilinnik tunniussisoq, Meeqqanut, Inuusuttunut Ilaqutariinnullu Naalakkersuisoq, Paneeraq Olsen isumaqarpoq.
- Ilisimareerparput pingaartumik immikkut suliassaqarfinni perorsaasunik ilinniarsimasunik sulisussarsiorneq sulisorinniinnartarnerlu ajornakusoortuusut. Nalilersuinermi suliassanik arlalinnik sammisaqarsinnaasunik annertunerusumik ilinniartitsisoqartoq naqissuserneqarpoq, uppernarsarneqarlunilu perorsaasorpassuit nalinginnaasumik suliassaqarfimmut uterumasartut. Taamaattumik ilinniartut ilinniarnerup ingerlanerani immikkut suliassaqarfimmut ilisaritinnissaat suliassaqarfimmullu tassunga soqutigisaannik annertunerulersitsinissaq pisariaqarpoq. Taamaasiornikkut inunnut immikkut pisariaqartitsisunut siunissaq ungasinnerusoq eqqarsaatigalugu ikiuilluarsinnaanissaq qulakkiissavarput. Taanna nalilersuinermit ilisimasanut pingaarutilinnut, ilinniarfiit piviusumilu sulinerup akornanni ataqatigiittoqarnissaanik qulakkeerinnittussanut assersuutaavoq, Paneeraq Olsen oqarpoq.
Nalilersuineq Naalagaaffimmi Ilisimatusarnermut Misissueqqissaarnermullu Sullissivimmit (VIVE) ingerlanneqarpoq.
Nalilersuinermit nalunaarusiaq uani atuarneqarsinnaavoq:
https://naalakkersuisut.gl/da/Naalakkersuisut/Departementer/IKTIN/Publikationer
Allanik paasissutissanik pisariaqartitsiguit immikkut siunnersorti attavigiuk, Carl Egede Bøggild, ugguuna cegb@nanoq.gl
Misissuinermi ilinniarsimasut suliassanik aalajangersimasunik qanoq kivitsisarnersut suliffimminnilu nutaami qanoq naapinneqarnersut sammineqarput.
Nalilersuinerup takutippaa ilinniarnerminnit naammasserlaanik annertuumik piumasaqartoqartoq, piumasaqarnerlu naammassiniarlugu naammattumik ilinniartitsisoqarani. Aamma ilisimasatigut annertuumik tunngaveqartunik suliassanik arlalinnik sammisaqarsinnaasunik ilinniartitsisoqarpoq.
Ilinnialerlaat suliassaqarfinni nalinginnaasuni piginnaasaat akuerineqarlutillu pingaartinneqarput, suliassaqarfinnili immikkut sullissiviusuni, soorlu immikkut pisariaqartitalinnut sullissinissamut assersuutigalugu innarluutilinnut isumaginissamut, ilinniagaqalerlaanit soqutiginnittoqannginnera misigineqarpoq.
- Perorsaanermik Ilinniarfimmi ilinniakkanik siornatigut nalilersuinerup takutippaa atuartut suliamut qaffasissumik piginnaasaqartut. Nalilersuinerullu nutaap takutippaa ilinniarnerminnik ilinniagaqalerlaat annertuumik naammagisimaarneqartut Perorsaanermilu Ilinniarfimmi ilinniarsimasunik piumasaqarneq annertusoq. Aamma qularutiginngilara nalunaarutip isumatusaartumik innersuussutai ilinniartut perorsaanikkut ilisimasaannut pitsaanerulersitsissasut, suliffeqarfiit iluaqutigiumaagaannik, Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Nalilersuineq isumaginninnermut suliassaqarfiup ineriartortinnissaanut ilisimasanik pingaarutilinnik tunniussisoq, Meeqqanut, Inuusuttunut Ilaqutariinnullu Naalakkersuisoq, Paneeraq Olsen isumaqarpoq.
- Ilisimareerparput pingaartumik immikkut suliassaqarfinni perorsaasunik ilinniarsimasunik sulisussarsiorneq sulisorinniinnartarnerlu ajornakusoortuusut. Nalilersuinermi suliassanik arlalinnik sammisaqarsinnaasunik annertunerusumik ilinniartitsisoqartoq naqissuserneqarpoq, uppernarsarneqarlunilu perorsaasorpassuit nalinginnaasumik suliassaqarfimmut uterumasartut. Taamaattumik ilinniartut ilinniarnerup ingerlanerani immikkut suliassaqarfimmut ilisaritinnissaat suliassaqarfimmullu tassunga soqutigisaannik annertunerulersitsinissaq pisariaqarpoq. Taamaasiornikkut inunnut immikkut pisariaqartitsisunut siunissaq ungasinnerusoq eqqarsaatigalugu ikiuilluarsinnaanissaq qulakkiissavarput. Taanna nalilersuinermit ilisimasanut pingaarutilinnut, ilinniarfiit piviusumilu sulinerup akornanni ataqatigiittoqarnissaanik qulakkeerinnittussanut assersuutaavoq, Paneeraq Olsen oqarpoq.
Nalilersuineq Naalagaaffimmi Ilisimatusarnermut Misissueqqissaarnermullu Sullissivimmit (VIVE) ingerlanneqarpoq.
Nalilersuinermit nalunaarusiaq uani atuarneqarsinnaavoq:
https://naalakkersuisut.gl/da/Naalakkersuisut/Departementer/IKTIN/Publikationer
Allanik paasissutissanik pisariaqartitsiguit immikkut siunnersorti attavigiuk, Carl Egede Bøggild, ugguuna cegb@nanoq.gl