AtuartigukInatsisitigut ataataqanngitsut pillugit pisimasunik tunngavilimmik aallakaatitassiaq nutaaq
Aka Hansen-imit pisimasunik tunngavilimmik aallakaatitassiami nutaami inatsisitigut ataataqanngitsut pingasut misigisimasaminnik oqaluttuarput. Ataasinngornermi ulloq 7. marts immikkoortut pingasut KNR-ikkut aallakaateqqaarneqassapput.
Nassiussisuuvoq: Meeqqanut, Inuusuttunut Ilaqutariinnullu Naalakkersuisoqarfik
Immikkoortoq siullermi Hans angajoqqaarsiamini peroriartorsimasoq naapinneqarpoq. Hans angajoqqaarsiaminit asanninnermik amigaateqanngisaannarsimavoq namminerlu angajoqqaatut isigalugit. Taamaattorli Hans meeraanermini kamarujussuartarsimavoq. Ataataqannginnera ataatanilu ilisarisimannginnera pissutaalluni meeqqanit inersimasunillu qinngasaarneqartarsimavoq. Hans piviusulersaarutip ilaani oqaaseqarpoq:
- Ajornerpaasimavoq inersimasut uumisaarisunut ilanngukkaangata aammalu ataataqannginnera, katisimaneqanngitsuni inunngorsimanera meerarsiaaneralu pillugit appisaluuffigineqaleraangama.
Ataataqannginnerup kinaaneranilluunniit ilisarisimanninnginnerup inatsisitigut ataataqanngitsunut arlaqartunut kinguneqarsimavoq. Tamakkiisumik inatsisitigut ataataqanngitsunit, assersuutigalugu kina ataataginerlugu paasissutissanik perusuttunit imaluunniit ataataqarani qanoq peroriartorsimaneq pillugu inuttut suliarinissaanut pisariaqartitsisimasunit Isumaginninnermut Aqutsisoqarfik saaffiginnissutinik arlaqartunik pissarsisimavoq. Katillugit inuit 50-it sinnerlugit inatsisitigut ikiorneqarnissaannut, tarnikkut katsorsartinnissannut imaluunniit tamarmik atornissaannut innersuunneqarsimapput.
- Hansip meeraanermini inatsisitigut ataataqarsimannginnermini eqqaamasaanut killitsisimavunga. Tamatuma inatsisitigut ataataqanngitsut ikiorneqarsinnaanerat siunnersorneqarsinnaanerallu qanoq pitsaatiginera ersersippaa, Paneeraq Olsen, Meeqqanut, Inuusuttunut Ilaqutariinnullu Naalakkersuisoq oqarpoq.
Inatsisitigut ataataqannginnerup kingunerisaanik ajornartorsiuteqarsimaguit tarnip pissusaanik ilisimasalimmiit ikiorneqarsinnaavutit. Eqqartuussivillu aqqutigalugu ataatassarsiuinermik suliamik aallartitserusukkuit inatsisitigut siunnersorneqarsinnaavutit. Tarnip pissusaanik ilisimasalimmik ikiorneqarusunnermi imaluunniit inatsisitigut ikiorneqarusunnermi sianerfissaq 34 50 50 pingasunngornikkut nal. 16:00-20.00. Aamma nittartakkami uani paasisaqarnerusinnaavutit sullissivik.gl.
Paasisaqarnerorusukkaanni naalakkersuisup allattaanut Inûna Davidsen e-mailianut inda@nanoq.gl imaluunniit oqarasuaataanut +299 25 78 54 saaffiginnittoqassaaq
- Ajornerpaasimavoq inersimasut uumisaarisunut ilanngukkaangata aammalu ataataqannginnera, katisimaneqanngitsuni inunngorsimanera meerarsiaaneralu pillugit appisaluuffigineqaleraangama.
Ataataqannginnerup kinaaneranilluunniit ilisarisimanninnginnerup inatsisitigut ataataqanngitsunut arlaqartunut kinguneqarsimavoq. Tamakkiisumik inatsisitigut ataataqanngitsunit, assersuutigalugu kina ataataginerlugu paasissutissanik perusuttunit imaluunniit ataataqarani qanoq peroriartorsimaneq pillugu inuttut suliarinissaanut pisariaqartitsisimasunit Isumaginninnermut Aqutsisoqarfik saaffiginnissutinik arlaqartunik pissarsisimavoq. Katillugit inuit 50-it sinnerlugit inatsisitigut ikiorneqarnissaannut, tarnikkut katsorsartinnissannut imaluunniit tamarmik atornissaannut innersuunneqarsimapput.
- Hansip meeraanermini inatsisitigut ataataqarsimannginnermini eqqaamasaanut killitsisimavunga. Tamatuma inatsisitigut ataataqanngitsut ikiorneqarsinnaanerat siunnersorneqarsinnaanerallu qanoq pitsaatiginera ersersippaa, Paneeraq Olsen, Meeqqanut, Inuusuttunut Ilaqutariinnullu Naalakkersuisoq oqarpoq.
Inatsisitigut ataataqannginnerup kingunerisaanik ajornartorsiuteqarsimaguit tarnip pissusaanik ilisimasalimmiit ikiorneqarsinnaavutit. Eqqartuussivillu aqqutigalugu ataatassarsiuinermik suliamik aallartitserusukkuit inatsisitigut siunnersorneqarsinnaavutit. Tarnip pissusaanik ilisimasalimmik ikiorneqarusunnermi imaluunniit inatsisitigut ikiorneqarusunnermi sianerfissaq 34 50 50 pingasunngornikkut nal. 16:00-20.00. Aamma nittartakkami uani paasisaqarnerusinnaavutit sullissivik.gl.
Paasisaqarnerorusukkaanni naalakkersuisup allattaanut Inûna Davidsen e-mailianut inda@nanoq.gl imaluunniit oqarasuaataanut +299 25 78 54 saaffiginnittoqassaaq